සංක්ෂිප්ත සිංහල ශබ්දකෝෂය – 1746
සව්විනෙයා
නා.ප්‍ර. බුදුවරයකු විසින් හික්මවනු ලැබිය යුතු ශ්‍රාවකයා.
සව්සජ
වි. සියලු ආකාරයෙන් සැදුණු ; සර්වප්‍රකාරයෙන් සැරසුණු.
සව්සත
1. නා. සියලු සත්ත්වයා ; සකල ප්‍රජාව.
2. සියලු ශාස්ත්‍රය.
සව්සත්දම් වාදය
නා. දහනව වැනි සියවසේ සිදු වූ ශාස්ත්‍රීය වාදයක් ; තෝමස් මුහන්දිරම් ලියූ 'ගංගාරෝහණ වර්ණනාවේ’ සිව් වැනි පද්‍යයේ මුල් පාදයේ මාත්‍රාව යෙදුම පිළිබඳ ව ඇති වූ වාදය.
සව්සරණ
නා.ප්‍ර. සියලු පිහිට ; හව්හරණ.
සව්සාර
වි. සියල්ලෙන් සරු වූ ; සරුසාර.
සව්සිරි
නා.ප්‍ර. සකල ශ්‍රීය ; සියලු සම්පත ; සකල ඓශ්වර්යය.
සව්‍යග්‍රහණය
නා. සූර්යග්‍රහණයේ දී හෝ චන්ද්‍ර ග්‍රහණයේ දී රාහු දකුණු දෙස සිටීම.
සව්‍යඤ්ජන
වි. ව්‍යඤ්ජනාක්ෂර සහිත ; මනා අකුරු ඇති.
සවායුක
(පාරිභා.) වි. වායු සහිත ; වායුව සමග.
සවායුකයා
(පාරිභා.) නා. ඔක්සිජන් වායුව උපයෝගි කරගෙන ජීවත්වන ජනකයා.
සවාරිය
1. නා. ගමන.
2. විනෝද ගමන.
සවාසනා
වි. සසර පුරුද්ද ඇති ; වාසනා ගුණ සහිත.
සවැනිය
නා. සර්වඥයන් වහන්සේ ; බුදුන් වහන්සේ.
සවි
වි. තද ; ශක්තිමත් ; හැකියා සහිත.
සවි කරනවා
ක්‍රි. ශක්තිමත් කරනවා ; හයි කරනවා.
සවි ගන්වනවා
ක්‍රි. ශක්තිමත් කරවනවා ; බලය හෝ ශක්තිය වැඩි කරනවා.
සවිඥානක
වි. සිතීමේ ශක්තිය ඇති ; හිතා මතා බැලීමේ ශක්තිය සහිත ; විඥානය සහිත.
සවිතා
1. නා.ප්‍ර. සූර්යයා.
2. සොළොස් ශුභ මුහුර්තයන්ගෙන් එකක්.
සවිද්දුමා
වි. ශ්‍රාවය සහිත ; සොටුදිය වැගිරිම් ඇති.
සවිදු
වි. විදුලිය සහිත ; විද්‍යුල්ලතා ඇති.
සවිධිපරාවර්තනය
(පාරිභා.) නා. පෘෂ්ටයක් මතට සමාන්තර ආලෝක කදම්බයක් පතනය වූ විට, එයට අයත් කිරණ සියල්ලම එකම දිශාවකට පරාවර්තනය වීම.
සවින්ධවයා
නා. සින්දු දේශයේ උපන් අශ්වයා ; සෛන්ධව කුලයේ උපන් අශ්වයා.
සවිඳලුණු
නා.ප්‍ර. ඖෂධයක් වශයෙන් ගන්නා ලුණු වර්ගයක් ; සහිඳ ලුණු ; සජල සෝඩියම් සල්පේට්.