සංක්ෂිප්ත සිංහල ශබ්දකෝෂය – 1753
සහබන්ධනය
(පාරිභා.) නා. සහ සංයුජතා බන්ධනය.
සහභාගය
(පාරිභා.) නා. ව්‍යාපාරයක එක් හවුල්කරුවකුගේ දායක කොටස ; හවුල වශයෙන් ගෙවනු ලබන මුදල් හෝ අන් වස්තු ප්‍රමාණය.
සහභාගි
වි. එක් ව භජනය කරන ; හවුල් ; සහභාග.
සහභාවි
(පාරිභා.) වි. එකට පවතින ; එකට යෙදුණු.
සහභිජාත
වි. ලේ නෑ සම්බන්ධය ඇති පුද්ගලයන්ගේ සංසර්ගයෙන් උත්පත්තිය සිදුවන ; ඇවැස්ස.
සහභෝජිත්වය
(පාරිභා.) නා. දෙපක්ෂයට ම ප්‍රයෝජනවත් පරිදි එක් ජීවියකු මතුපිට අනෙක් ජීවියකු හෝ ජීවීන් කිහිප දෙනෙකු ජීවත්වෙමින් පවතින හවුල ; සහජීවිකතාව.
සහමතික
වි. එක සමාන මතයක් දරන ; අනුකූල.
සහමතිය
නා. අනුකූලතාව ; අදහස් සමබව.
සහයෝගය
නා. උදව්ව ; උපකාරය.
සහල
වි. ඇවිලෙන ; ගිනිදැල් සහිත.
සහලඟර
නා.ප්‍ර. ගිනි සහිත අඟුරු.
සහල්
නා.ප්‍ර. වී ඇටයක පොතු හෙවත් දහයියා ඉවත්කොට ශුද්ධ කළ කල්හි ඉතුරුවන ඇටය ; තණ්ඩුල ; හාල්.
සහලා
1. නා.ප්‍ර. යාළුවා ; සහෘදයා ; පුද්ගලයා.
2. පුරුෂයා ; පුද්ගලයා.
ක්‍රි.වි. ඉක්මනින් ; ශීඝ්‍රයෙන්.
සහලේ
වි. සමාන ලේ ඇති ; ලේ සම්බන්ධකම් ඇති.
සහවේදනය
(පාරිභා.) නා. සංවේදන මට්ටමෙන් පවතින සවිඥානික ඒකත්වය.
සහස
නා. දහස ; සහස්‍රය ; සහස්ස.
නි. වහා ; හනික.
වි. සිනා සහිත.
සහසංයුජතාව
(පාරිභා.) නා. ඉලෙක්ට්‍රෝන දෙකක් හවුලේ බෙදා ගැනීමෙන් පරමාණු දෙකක් සංයෝජනය වීම.
සහසකර
නා.ප්‍ර. දහසක් රශ්මී ඇත්තා වන හිරු.
සහස්වත
වි. සදාකාලික ; නිත්‍ය ; ශාස්වත.
සහස්‍රාවර්ත
(පාරිභා.) නා.ප්‍ර. ගුවන් විදුලි තරංග මිනුම් ඒකකයක්.
සහස්‍රි
වි. දහසකින් යුක්ත ; දහසක් ඇති.
සහසා
නි. වහා ; ඉක්මන් ; හනික.
සහසාධක
(පාරිභා.) නා.ප්‍ර. සමග යෙදෙන සාධක.
සහසැස්
සහසි
වි. සැහැසි ; රෞද්‍ර; නපුරු.