අක්ෂර වින්‍යාස ශබ්දකෝෂය – 378
හැලහොල්මන
නා. නිශ්චල භාවයකින් තොර බව
හැලෙනවා
ක්‍රි. යමක්, උස තැනකින් වැටෙනවා
හැළප
නා.ප්‍ර. සිංහල කැවිලි විශේෂයක්
හැළි
වි. සුදු; ධවල
හැළිය
නා. ආහාර පිසීමාදියට යොදා ගන්නා භාජනය; සැළිය (පා. චාටි)
හිංසනය
නා. පීඩා කිරීම (සං. හිංසන)
හිඟමන
නා. ඉල්ලා ගැනීම/ සිඟා ගත් දෙය
හිඟය
නා. අඩුව; ඌනතාව
හිටි පිළිමය
නා. නැගී වැඩ සිටින ඉරියව්ව දැක්වෙන සේ නිර්මාණය කරන ප්‍රතිමාව
හිණ
1. නා.ප්‍ර. ඉණ; උකුළ; කටී ප්‍රදේශය (පා. සොණි සං. ශ්‍රොණි) 2. ඉණිමඟ; තරප්පුව (පා. නිස්සෙණි සං. ශ්‍රෙණි)
හිණකඩ
නා. ඉණට අඳින රෙද්ද
හිණිකුණා
නා. අපිරිසිදු වස්ත්‍රවල වසන උකුණන් විශේෂයක්
හිණිපාමුල
නා. පඩිපෙළක ආරම්භක ස්ථානය
හිණිපෙත
නා. ඉණිමඟ; සෝපානය
හිණිමග; හිණිමඟ
නා. තරප්පුව; ඉණිමග
හිතලුව
නා. හිතට ආ දෙය; කරුණු රහිත සිතිවිල්ල
හිතාධ්‍යාශය
නා. යහපත් අදහස; හිතකර අදහස
හිතෛෂී
වි. හිතවත්; හිත ඇති; මිත්‍ර (සං. හිතෛෂින්)
හිතෝපදේශය
නා. යහපත පතා දෙන උපදේශය/ සංස්කෘත උපදේශ ග්‍රන්ථයක නාමය (සං. හිතොපදෙශ)
හිදොලුව
නා. දෝලාව
හිමකුළ
නා. හිමාල පර්වතය
හිමපතනය
නා. හිම වැටීම
හිමාලය
නා.ප්‍ර. එනම් කඳුවැටිය
හිරණ්‍ය
නා.ප්‍ර. ශුද්ධ නොකළ රන්; අමුරන් (සං. හිරණ්‍ය)
හිරමනය
නා. පොල් ගෑමට තැනූ දැති සහිත තලයකින් යුත් උපකරණය