සංක්ෂිප්ත සිංහල ශබ්දකෝෂය – 1232

මැටියැදීම

නා. ශාන්ති කර්මයක්; මැටි ගුලි නවයක් උපයෝගී කරගෙන දෙවියන්ගෙන් ශාන්තිය යැදීම.

මැඩ

1. නා.ප්‍ර. මණ්ඩලය ; ප්‍රදේශය.
2. අංග ජනපදයේ විසූ සිටුවරයෙක්.
3. ඖෂධීය ගස් වර්ගයක්.

මැඩ පවත්වනවා

1. ක්‍රි. මර්දනය කරනවා ; යටපත් කරනවා.
2. පාගනවා.

මැඩ පියනවා

1. ක්‍රි. අභිභවනය කරනවා ; යටත් කරනවා.
2. පාගනවා ; හිරිහැරයට පත් කරනවා.
3. මිරිකනවා.

මැඩම

1. නා. (ඇඟ) මිරිකීම : සම්බාහනය.
2. අභිභවනය.

මැඩලනවා

1. ක්‍රි. මිරිකනවා ; තද කරනවා.
2. පාගනවා.

මැඩවීම

(පාරිභා.) නා. වාත බුබුලු පහකොට මැටි පිළියෙළ කිරීම.

මැඩියා

නා. ඉස්ගෙඩියාගෙන් විකාශනය වී දිය ගොඩ දෙකෙහිම වාසය කරන කුඩා සතෙක් ; ගෙම්බා.

1. නා. මණ්ඩලය ; රවුම ; මූණත.
2. මිටිය ; පොදිය ; කොපුව.
3. සිවුරේ කොටසක් ; සිවුරු ගැබ ; සිවුරේ අත්ත.
4. කුඩා රෙදි කැබැල්ල.
5. පිට්ටනිය ; මිදුල.
6. තැලීම ; පෑගීම.
7. වළංකෑල්ල ; කැබිලිත්ත.
8. හේන්වල කුරහන්වේලා ගැනීමටත් පාගා ගැනීමටත් යොදාගත් තැන ; කමත.