සංක්ෂිප්ත සිංහල ශබ්දකෝෂය – 1364

රූං ඇදීම

නා. කඩදාසි කුට්ටමෙන් කරන ළමා ක්‍රීඩාවක්.

රූකඩ අදිනවා

ක්‍රි. රූකඩ නැටවීම සඳහා ඒවාට සවි කළ නූල් නිසි ලෙස අදිනවා.

රූකඩය

1. නා. ලී, පස්, ඉටි ආදියකින් තැනූ මිනිස් හෝ සත්ත්ව රූපය.
2. අඳින ලද එවැනි චිත්‍රය.
3. නූල් ආදිය මඟින් අග-පසඟ ක්‍රියාකරවිය හැකි පරිදි නාට්‍ය රඟපෑම සඳහා තැනූ රූපය.

රූකඩයා

1. නා. ස්වීය බලයක් නැති ව නොහොත් නැති බව නොදක්වා, අන්‍යයකුට ඕනෑ ලෙස ම ගැති ව ක්‍රියා කරන්නා.
2. කෝෂ අවස්ථාවෙහි සිටින කෘමි සත්ත්වයා.
3. සතුන් බය කිරීමට සාදන රූපය ; පඹයා.

රූකම

1. නා. රූප කර්මාන්තය ; රූප ඇඳීමේ සහ ඇඹීමේ කර්මාන්තය.
2. අඳින ලද නොහොත් අඹන ලද රුවක්.

1. වි. රළු ; කර්කෂ ; අමිහිරි.
2. කරදර හිරිහැර සහිත ; අමාරු ; දුෂ්කර.
3. වියළි ; ශුෂ්ක.
1. නා.ප්‍ර. වියළි දෙය.
2. ආහාරයෙහි ඇති රස හයෙන් එකක්.
3. නාදයෙහි රළු බව හා සම්බන්ධ ව භාරතීය ස්වසංගීතයෙහි දැක්වෙන දෝෂයක්.

රූක්ෂ තේජස

නා. බඩගින්න ; ජඨරාග්නිය.

රූක්ෂ ප්‍රමාණය

1. නා. මහජනයාගේ පැහැදීමට හේතු වන කටුක වූ ධූතාඞ්ගාදී ප්‍රතිපත්තිවල ප්‍රමාණය.
2. තමාගේ කටුක ප්‍රතිපත්ති ආශ්‍රයෙන් අනුන්ගේ හිත් දිනීමට පෙලඹී සිටින තැනැත්තා.