සංක්ෂිප්ත සිංහල ශබ්දකෝෂය – 1464

වලාහක

1. නා.ප්‍ර. වේගවත් ගමන් ඇති අශ්ව කුලයක නාමය.
2. වලාකුළු.

වලි කුකුළා

නා. කැලයේ වෙසෙන අලංකාර පෙඳ සහ පියාපත් සහිත කුකුළා ; වන සැවුලා.

වලිකඳ

නා. අං ඇදීමට ආධාරය සඳහා හිටවන ලොකු කඳ ; හෙන කඳ.

වලිගහ

නා. අංකෙළියේ දී අං වළෙහි සිටවනු ලබන කණුව.

වලිච්චිය

1. නා. තෙල් සායම් ඔප ගැන්වීමට පිටතින් ආලේප කරන වාර්නිස් වැනි ද්‍රව්‍ය ; වයිති.
2. දැඩි යහළුකම.
3. අතපය පටලවා ගැනීම.

වලිප්පුව

නා. තදින් උණ ගැනීම නිසා කුඩා ළමුන්ට සෑදෙන රෝගයක්.

වලිමල

නා. අං කෙළියේ දී අංකණුව මුදුනේ බඳින පුවක් මල.

1. නා. හමේ ඇති වන හැකිළීම.
2. සුළියක ආකාරයකට පිහිටීම.
3. නූල් වැනි ද්‍රව්‍යයක් එකට එතීම.
4. පේළිය ; පෙළ.
5. පෙළපත ; පරපුර.
6. වතාව ; වාරය.
7. අං ඇදීමේ දී භාවිත කරන රැහැන.
8. දවස ; දිනය.
9. කුඩාපාර ; අඩිපාර.