සංක්ෂිප්ත සිංහල ශබ්දකෝෂය – 1659

සංචාරකය

1. නා. යමක් වසන කොටස ; පියන ; පිධානය.
2. (පාරිභා.) කැමරා ආදියෙහි විවරයක් පාලනය කිරීම පිණිස තිබෙන කොටස.

සංචාරකයා

1. නා. විනෝදය විවේකය හා වන්දනාව සඳහා නැරඹිය යුතු ස්ථානවල චාරිකාවේ නියලෙන තැනැත්තා.
2. රටක සිරි නැරඹීමට විවේක ගැනීම සඳහා රටකින් වෙන රටකට යන තැනැත්තා.

සංචාරී

(පාරිභා.) වි. තැනින් තැනට යන ; සංචාරය කරන ; ජංගම.

සංචිකෘත

වි. රැස්කර ගත් ; ඒකරාශි කළ ; රාශිභූත කළ.

සංචිත

1. වි. රැස් කළ ; රැස්කර ගත් ; රාශිභූත වූ ; එකතු කළ.
2. (පාරිභා.) විශේෂ අවස්ථාවක දී ප්‍රයෝජනයට ගැනීමට රැස්කර ඇති ; හදිසියක් සඳහා තැන්පත් කළ හෝ ඉතුරු කළ.

සංචිත අරමුදල

(පාරිභා.) නා. විශේෂ හදිසි අවස්ථා සඳහා ප්‍රයෝජනයට ගැනීම පිණිස ඇති අරමුදල.

සංචිත ආහාර

(පාරිභා.) නා.ප්‍ර. 1. ශාක වර්ගවල අල ආදියෙහි රැස් ව ඇති ශාක ආහාරය.
2. හදිසි හෝ විශේෂ අවස්ථා සඳහා රැස්කර ඇති කෑම ද්‍රව්‍ය.

සංචිත කන්ද

(පාරිභා.) නා. භූ ද්‍රව්‍ය තැන්පත්වීමෙන් නිර්මාණය වූ කන්ද.

1. නා. රැස්කළ දෙය ; එක්රැස් කරන ලද්ද.
2. (පාරිභා.) විශේෂ අවස්ථාවල දී ප්‍රයෝජනයට ගැනීමට රැස්කර ඇති දෙය ; (මිනිරන්, යපස් වැනි දෑ) එක් රැස් වී හෝ රාශිභූත වී ඇති ප්‍රමාණය.
3. යම් විශේෂ කටයුත්තක් සඳහා තෝරාගෙන ඇති පිරිස.