සංක්ෂිප්ත සිංහල ශබ්දකෝෂය – 1808

සිතුනතු කරනවා

ක්‍රි. සිත නැඹුරු කරනවා ; තමන් වෙතට යොමු කරනවා ; සිත අවනත කරගන්නවා.

සිතුමිණ

නා.ප්‍ර. සිතු පැතු දේ දෙතැයි සැලකෙන මැණික ; චින්තා මාණික්‍යය.

සිතුවක්

නා.ප්‍ර. අභිප්‍රාය වූ දෙය ; තමා අදහස් කළ දෑ.

සිතුවක්කාර

වි. තමා සිතන දෙයක් කරන ; තමාගේ ම අදහස් ක්‍රියාත්මක කරන ; හිතුවක්කාර.

සිථිලය

නා. ලිහිල් අකුර ; අල්ප ප්‍රාණ අක්ෂරය ; සිථිලාක්ෂරය.

සිද

1. නා.ප්‍ර. ඡිද්‍රය ; සිදුර ; හිල.
2. දේවතා කොට්ඨාසයක්.
3. සිද්ධාංගනාව.
4. බිංදුව ; බිඳ.

සිදත

1. නා.ප්‍ර. සිද්ධාන්තය ; සාධක දැක්වීමෙන් ස්ථිර කළ මතය ; සත්‍ය වූ නිගමනය.
2. චිත්ත ඒකාග්‍රතාව ; සමාධිය.

1. වි. සිදු වූ ; ඉෂ්ට වූ.
2. නිපන් ; හටගත්.
3. නිශ්චිත ; තීරණය කළ.
4. සැබෑ යයි පිළිගනු ලැබූ.
5. ජය ලැබූ.
6. ඍද්ධිමත්.
7. ප්‍රසිද්ධ කීර්තිමත්
8. දීප්තිමත් : බබළන.
1. නා.ප්‍ර. දේව කොට්ඨාසයක්.
2. ලුණු වර්ගයක නාමය.
3. සීනි. කළුඅත්තන.