සංක්ෂිප්ත සිංහල ශබ්දකෝෂය – 518

කොට්ඨාසය

1. නා. භාගය; කොටස; පංගුව.
2. නා. රටක විමධ්‍යගත පාලනයට පහසුවන සේ රට බෙදා දක්වන කොටස්වලින් එකක්.

කොටා

1. නා. ශරීරාවයව කොට වූ තැනැත්තා; මිටි මිනිහා; මිට්ටා.
2. නා. අත් පා ආදිය කපනු ලැබූ තැනැත්නා.

කොටා බානවා

නා. (කමත්.) කෑම කනවා; ආහාර ගන්නවා; අනුභව කරනවා.

කොටාර

නා.ප්‍ර. ධන ධාන්‍ය, රන්රුවන්, මුතු මැණික් ආදිය රැස්කර තබන ගොඩනැගිල්ල; කෝෂ්ඨාගාරය; ගබඩාව; කොටගුළ.

කොටියා

1. නා. බළල් පවුලට අයත් ඉතා රෞද්‍ර මාංස භක්ෂක සිවුපා වර්ගය.
2.(කථා.) නා. නපුරු මිනිස්සු; අහිංසකයන් අමාරුවේ දමන්නෝ.

කොටිලය

(පාරිභා.) නා. ඇටයකින් නැඟුණු අංකුරයකට පොළොවෙන් ආහාර ඇද ගැනීමට හැකි වන තෙක් පෝෂණය ලබාදෙන බීජපත්‍රය; පියල්ල (=cotyledon).

කොටු

1. වි. සමචතුරස්‍ර.
2. වි. ගෙවී ගිය; මොට වූ; මුවාත නැති.
3. (කථා.) වි. කුඩා; පුංචි.
1. නා.ප්‍ර. මාලු අල්ලන තැනැත්නා.

කොටු පවුර

නා. යම්කිසි ස්ථානයක් ආරක්ෂා කිරීමට ඒ වටා බැඳි ප්‍රාකාරය; කොටු බැම්ම.

කොටුපත

නා. සිවුපාවුන් දඩයම් කිරීම සඳහා ඔවුන් යන එන මඟ කොළ අතු වලින් වසා සාදන කොටුව; දඩයක්කාරයා සැඟවී සිටින කොටු වූ ස්ථානය.

කොටුබැම්ම

නා. නගරාරක්ෂාවට බැඳි විශාල බැම්ම; ප්‍රාකාරය.

1. නා. වී ආදිය රැස්කර තබන ගබඩාව; වටිනා වස්තුවක් තැන්පත් කර තබන ආරක්ෂක ස්ථානය, කෝෂ්ඨාගාරය.
2. නා. දිය ඔරුව; ද්‍රෝණිය.
3. නා. ගොවිතැන් හෝ (ඇති කරන) සතුන් රැක ගැනීම සඳහා වට කළ හා ආවරණය කළ ස්ථානය.
4. නා. පවුරකින් වටකරන ලද ආරක්ෂක ස්ථානය; බලකොටුව.
5. නා. අල්ලිය; සමචතුරස්‍රය.