සංක්ෂිප්ත සිංහල ශබ්දකෝෂය – 708

තනපොම්පය

(පාරිභා.) නා. පයෝධරයෙන් කිරි අස්කර දැමීම සඳහා උපයෝගී කරගන්නා උපකරණය (=breast pump).

තනය

1. නා. ස්ත්‍රීන්ගේ උරය මත පිහිටි ඉදිරියට නෙරූ මෘදු වූ මස්පිඬු දෙකින් එකක්; දරු පෝෂණය සඳහා කිරි එරෙන ග්‍රන්ථිය; පයෝධරය; ස්තනය.
2. නා. ක්ෂීරපායි ගණයට අයත් ගව ආදි දෙනුන්ගේ කිරිබුරුල්ල.
3. නා. කිරි.

තනවැස්ම

නා. පියොවුරු වසන වස්ත්‍රය; (භික්ෂුණින්ගේ) හැට්ට.

තන්

1. නා.ප්‍ර. තැන; ස්ථානය; භූමිය.
2. නා.ප්‍ර. තනතුර; පදවිය; ධූරය.
3. නා.ප්‍ර. තත්ත්වය; ලබා ඇති තැන.
4. නා.ප්‍ර. සම්පාදනය; පිළියෙල කිරීම.
5. නා.ප්‍ර. සලකුණ.
6. නා.ප්‍ර. ත්‍රිවර්ග සැපතින් එකක් වූ කම්සැප.

තන්ත්වීකරණය

(පාරිභා.) නා. සිරුරේ තන්තුමය පටක සෑදීම (=fibrose).

1. නා.ප්‍ර. ශාස්ත්‍ර; විද්‍යා; ශිල්ප.
2. නා.ප්‍ර. ක්‍රම; විධි; නියම; නීති; සිද්ධාන්ත
3. නා.ප්‍ර. ආගමික ග්‍රන්ථ විශේෂයක්.
4. නා.ප්‍ර. සිවුසැට කලා ශිල්පවලින් එකක්.
5. නා.ප්‍ර. ශාස්ත්‍රීය කෘති; උසස් විද්‍යා ග්‍රන්ථ.
6. නා.ප්‍ර. වජ්‍රයානිකයන් විසින් තාන්ත්‍රික බුද්ධාගම පිළිබඳ ව ලියන ලද ග්‍රන්ථ.
7. නා.ප්‍ර. ජ්‍යෝතිශ්ශාස්ත්‍රයෙහි ග්‍රහ ගමන්, වක්‍රානුවක්‍ර ආදි ග්‍රහ ගති ප්‍රකාශ කරන ජ්‍යෝතිර් හා ගණිත විධි.
8. නා.ප්‍ර. ශාස්ත්‍රීය ආප්ත ග්‍රන්ථයක කොටස; පරිච්ඡේදය.
9. නා.ප්‍ර. අනතුරු ආදිය වැළැක්වීම සඳහා සිහි කරනු ලබන කවච වැනි ආරක්ෂක මන්ත්‍ර විශේෂයක්.
වි. ප්‍රධාන; මූලික.