සංක්ෂිප්ත සිංහල ශබ්දකෝෂය – 765

තුනුවඟ

1. නා.ප්‍ර. සිහින් සිරුර; කෙට්ටු ශරීරය.
2. නා.ප්‍ර. ස්ත්‍රී නිමිත්ත; යෝනිය.
3. නා.ප්‍ර. සිහින් සිරුරක් ඇත්තී; කාන්තාව.
4. නා.ප්‍ර. අනංගයා.

තුනුවේදය

නා. ඍග්, යජුර්, සාම යන තුන් වේදය; ත්‍රිවේදය; වේදත්‍රය.

තුප්පහි සංස්කෘතිය

නා. සිංහල සංස්කෘතියට නොගැළපෙන හැඩගැසීම; පෘතුගීසි, ලන්දේසි ආදි විජාතීන්ගේ පිළිවෙළ අනු ව සකස් සංකර හැදියාව.

තුප්පහියා

1. නා. එක් බසකින් කියන දෙය වෙනත් බසකට හරවන්නා; තෝල්කයා.
2. නා. ලංකාවේ වසන ඕලන්ද හෝ පෘතුගීසි ජාතියට අයත් තැනැත්තා.
3. නා. සිංහල සංස්කෘතියට නොගැළපෙන හැඩගැසීම් ඇත්තා; සංකරයා.

තුප්පොට්ටිය

1. නා. උඩරට රජුන් හා ප්‍රභූන්ගේ පාරම්පරික ඇඳුම; මනා ලෙස මැදින් සන්ධි වන කැබලි දෙකකින් යුත් අටරියන් හෝ දහරියන් සුදු රෙද්ද.
2. නා. වර්ණවත් දළ රෙද්දෙන් කළ ඇඳ ඇතිරිල්ල.
3. නා. දෙවුර වසා පොරවන තුවාය.

1. නා. මළ සිරුර ගෙන යන දෙණ.
2. නා. ථූපය; චෛත්‍යය.
3. නා. නැළි හතරක ප්‍රමාණය; කුරුණිය.
4. නා. දරු බොක්ක; ගර්භාෂය.
5. නා. යටි පැත්ත; පහටිය.
6. නා. කයිතාලම් විශේෂයක්; සම්මය.
7. නා. තෙල් බඳුන.
8. නා. දිය ඇළ.