බුද්ධදත්ත පාලි අකාරාදිය – 527
මන්තනා
ඉ. මන්ත්‍රණය; සාකච්ඡාව.
මන්තයන්ත
3. මන්ත්‍රණය කරන; සාකච්ඡා කරන; සාකච්ඡා කරමින්.
මන්තයමාන
3. සාකච්ඡා කරන; සාකච්ඡා කරමින්.
මන්තයිත්වා
පූ.ක්‍රි. කථාකොට; සාකච්ඡා කොට.
මන්තයිතුං
නි. සාකච්ඡා කරන්ට.
මන්ති
පු. මන්ත්‍රණ කරන්නා; රාජමන්ත්‍රී.
මන්තිත
3. සාකච්ඡා කළ.
මන්තිනී
ඉ. මන්ත්‍රණය කරන්නී; මැතිණියෝ.
මන්තු
පු. සිතන්නා; හඟින්නා.
මන්තෙත්වා
පූ.ක්‍රි. කථාකොට; සාකච්ඡා කොට.
මන්තෙති
(මන්ත+ණෙ) කථා කරයි; සාකච්ඡාකරයි.
මන්තෙතුං
නි. සාකච්ඡා කරන්ට.
මන්තෙන්ත
3. සාකච්ඡා කරන; සාකච්ඡා කරමින්.
මන්ථ
පු. අත්සුණු; කිරිමත් ගාන දණ්ඩ; බැදපු පිටි.
මන්ථර
3. සෙමින් යන; පු. ඉබ්බා.
මන්ද
3. අඥාන වූ; අලස වූ; ටික වූ; මද වූ; පු. අඥානයා.
මන්දත්ත
න. අඥාන බව; අල්පබව; අලස බව; මද බව.
මන්දතා
ඉ. අඥාන බව; අල්පබව; අලස බව; මද බව.
මන්දමන්දං
.ක්‍රි .වි ටිකෙන් ටික.
මන්දාකිනී
ඉ. ආකාශ ගංගාව; එනම් විල.
මන්දාමුඛී
ඉ. ගිනිතැපීම සඳහා යොදන භාජනය.
මන්දාර
පු. අස්තපර්වතය.
මන්දාරව
පු. දිව්‍ය වෘක්ෂයක්; මදාරා ගස.
මන්දිය
න. අඥාන බව; මඳ පිනැති බව.