සංක්ෂිප්ත සිංහල ශබ්දකෝෂය – 1261
මුස
1. නා.ප්‍ර. බොරුව ; මිථ්‍යාව ; මුසාව.
2. සිහි නැති වීම ; ක්ලාන්තය ; මුර්ජාව.
3. පියන්පත ; මූඩිය ; ඇබය.
4. ලොමු දැහැගැන්ම.
5. ගී කීම ; ගායනය.
6. සමීපය ; අසල.
මුස්න
1. නා.ප්‍ර. කසල හමදින ලහමදින උපකරණයක් ; කොස්ස.
2. ඉදල හෝ ඉලපත.
3. (පාරිභා.) රෙදිවලින් සාදාගත් බිම පිසදමන උපකරණයක් ; රෙදි කොස්ස.
4. (කථා.) කුරුමානම ; ඉලක්කය.
මුස්ලිම්
නා.ප්‍ර. මොහම්මදු ආගම අදහන ජනයා ; ඉස්ලාම් භක්තිකයා.
මුසාව
නා. බොරුව ; මිථ්‍යාව ; අසත්‍යය.
මුසිනවා
ක්‍රි. මිදෙනවා ; ගැලවෙනවා ; මුක්ත වෙනවා.
මුසිප්පාත්තු
1. වි. විකාර ; විසුළු ; සෙල්ලම්.
2. මූසල ; අවාසනාවන්ත ; කාලකණ්ණි.
මුසු
1. වි. මිශ්‍ර ; කලවම් ; මුහුන්:
2. තැවරුණු ; ගැල්වුණු ගැවසීගත්.
3. සහභාගි වූ; හවුල් වූ.
මුසුන්
1. නා.ප්‍ර. මිදීම; විමුක්ත වීම ; වෙන්වීම.
2. ගේ අතුගෑමට ගන්නා මුස්න හෙවත් කොස්ස.
3. කිරි ආදි ද්‍රවයක් මිදවීම පිණිස ඊට එක් කරන ඒ වර්ගයේ ම පරණ මිදුණු ද්‍රව්‍යය ; මුහුන්.
මුසුප්පු
නා.ප්‍ර. කනගාටුව ; අසතුට ; කළකිරීම ; වෙහෙස.
මුහ
1. නා. මුඛය ; කට.
2. මුඛරෝගය.
3. මුවාව ; ආවරණය.
මුහන්දිරම
1. නා. නුදුරු අතීතයෙහි සිවිල් පාලන කටයුතුවල නියුක්ත වූ නිලධාරි පදවියක්.
2. යටත්විජිත යුගයේ රජයෙන් පිරිනැමුණු නම්බුනාමයක්.
3. කර්මාන්තයක හෝ කාර්ය අංශයක ප්‍රධානයා.
මුහුකරනවා
1. ක්‍රි. මෝරනවා ; පැසෙනවා ; පරිණත බවට පත්වෙනවා.
2. මිශ්‍ර කරනවා ; කලවම් කරනවා.
මුහුණ
1. නා. නළලේ සිට නිකට තෙක් ඇති හිසේ ඉදිරිපස ; වත ; වක්ත්‍රය ; මූණ.
2. යමක ඉදිරිපස ; ඉස්සරහ පැත්ත.
මුහුණ බලනවා
1. ක්‍රි. මුහුණ දෙසට දෑස යොමු කරනවා ; (කෙනෙකු ඇඳින ගැනීම සඳහා) මුහුණ දෙස බලනවා.
2. (කථා. රූඪි.) පක්ෂපාත වෙනවා ; කෙනෙකුට වාසි වන සේ කටයුතු සිදුවෙනවා.
මුහුණත
මුහුණුවර
නා. මුහුණේ හැඩහුරුකම ; ස්වභාව ; ලක්ෂණය ; මූණුවර.
මුහුද
1. නා. ගොඩබිමකින් බොහෝ ප්‍රමාණයක් වට වී පෘථිවි පෘෂ්ඨය වසාගෙන පවතින අතිවිශාල කරදිය තලය ; සමුද්‍රය.
2. ගොඩ බිමකින් කොටසක් වට වූ හෝ ආශ්‍රිත වූ සාගර කොට්ඨාසය.
3. රටක් ඇතුළත ගොඩබිමින් වට වී ඇති කරදිය තලාව.
4. (රූඪි.) කිසිවක ප්‍රමාණ කළ නොහැකි තරම් විශාල සමූහය.
මුහුදු
වි. මුහුදට අයත්, සමුද්‍රීය ; මුහුදෙහි වසන.
මුහුදු අශ්වයා
නා. අශ්වයකුගේ වැනි හිසක් ඇති කරදිය මත්ස්‍යයෙක්.
මුහුදු ඉකිරියා
නා. වෙරළ අසබඩ ජීවත්වෙන සමුද්‍ර ජීවියෙක්.
මුහුදු කනවා
ක්‍රි. රළ ගැසීමට අසු වී ගොඩබිම මුහුදට යට වෙනවා ; සමුද්‍ර ඛාදනය සිදුවෙනවා.
මුහුදු ක්‍රමය
නා. මුහුදත් ගොඩබිමත් අතර ඇති සම්බන්ධතාව අනුව කාලගුණය වෙනස්වීමේ පිළිවෙළ.
මුහුදු කුස
නා. මුහුදේ ඇතුළත ; සමුද්‍ර කුක්ෂිය.
මුහුදු කොල
නා. මුහුදු වෙරළ ; සමුද්‍රතීරය.
මුහුදු කොල්ලකරුවා
නා. මුහුදේ යාත්‍රා කරන නැව් කොල්ල කන්නා ; සමුද්‍රචෞරයා.