සංක්ෂිප්ත සිංහල ශබ්දකෝෂය – 377

ඔබිනවා

ක්‍රි. ගැළපෙනවා; සුදුසු වෙනවා; යෝග්‍ය වෙනවා; උචිත වෙනවා.

ඔමරි

1. නා.ප්‍ර. අඟර දඟර; ඉඟි බිඟි; උකුළු මුකුළු; අනුරාගී පැවතුම්; භාවභාවලීලා.
2. නා.ප්‍ර. අඟර දඟරකාරී; කොමලි; උකුළු මුකුළුකාරී.
වි. අඟර දඟරකාර; කෝමල; මායා සහගත; අනුරාගී.

ඔමරි කරනවා

ක්‍රි. මායම් පානවා; මුකුළු කරනවා; අඟර දඟර කරනවා; කොමල කරනවා.

ඔම්පාව

නා. විහිළුව; ඇනුම්පදය; සරදම; අවඥාව; උපහාසය.

ඔම්බුඩ්ස්මන්

නා.ප්‍ර. රජයේ නිලධාරීන්ට හෝ ආයතනයන්ට හෝ එරෙහිව පුරවැසියන් විසින් කරනු ලබන පැමිණිලි විභාග කිරීමට රජය විසින් පත් කෙරෙන නිලධාරියා; දුක්ගන්නාරාල.

ඔය

නා. පොඩි දිය පාර; කුඩා ගංගාව; හොය.
වි. සමීපයෙහි දැක්විය හැකි; ළඟ පවතින.

ඔයනවා

(කථා.) ක්‍රි. යම් ගෙඩියක ලෙල්ල ගලවනවා; පොල්, දොඩම් ආදියේ ලෙල්ල ඉවත් කිරීම.

ඔර

1. නා.ප්‍ර. කලවය; ඌරුව.
2. නා.ප්‍ර. උකුළ; ඇකය; ඔඩොක්කුව.
3. නා.ප්‍ර. උරය; ළපැත්ත.
වි. ඉදිරිපිට තිබෙන; ඔය.

ඔරලි අත්ත

නා. එල්ලා වැටෙන සේ පලඳින ස්ත්‍රීන්ගේ ආභරණ විශේෂයක්.

ඔරලෝසු පැය

නා. සිංහල පැය දෙකහමාරක කාලය; හෝරාව; විනාඩි හැටේ කාලය.

1. ක්‍රි. බැම හකුළා තරහෙන් බලනවා; රවනවා; කෝපයෙන් බලනවා.
2. ක්‍රි. ඉවත් කරනවා. (ඉතිරි නොවන සේ) බැහැර කරනවා; වැල ආදි ඉදුණු ගෙඩියකින් කොටසක් ගලවා අහකට ගන්නවා; (කොස් මදුලු ආදිය) මතුකොට උගුල්වනවා; උලුප්පා ගන්නවා.