සංක්ෂිප්ත සිංහල ශබ්දකෝෂය – 485

කුඩා මව

නා. මවගේ නැගණිය; සුළුමව; පුංචි අම්මා; කුඩම්මා.

කුඩා මොළය

(පාරිභා.) නා. සුෂුම්නා ශීර්ෂයකට පෙරටුව ඊට ඉහළින් පෘෂ්ඨීය පැත්තට නෙරා පිහිටි
මොළයේ කොටස; අනුමස්තිෂ්කය (=cerebellum).

කුඩාපොදු ගුණාකාරය

(පාරිභා.) නා. ගණන් කීපයක් ඉතිරි නැති ව බෙදෙන ඉතාම කුඩා සංඛ්‍යාව (=lowest common multiple).

කුඩාවර

1. නා.ප්‍ර. වයසින් බාල තැනැත්තා; බාලයා; ළමයා.
2. නා.ප්‍ර. උසස් තත්ත්වයක් නැති තැනැත්තා; සාමාන්‍ය මිනිසා; කුලහීනයා.

කුඩි

1. නා.ප්‍ර. ගෘහමූලිකයා; ගෙහිමියා.
2. නා.ප්‍ර. පුරාණ ලංකාවේ අඳ ගොවියා; ප්‍රවේණි දාසයා.
3. (කථා.) නා.ප්‍ර. පවුල.
4. නා.ප්‍ර. ගෙය; ගෘහය.
5. නා.ප්‍ර. අඹුකම; භාර්යාභාවය.

කුඩිච්චිය

1. (කථා.) නා. හදිසිය; කලබලය.
2. (කථා.) නා. කුඩා ගෙය හෝ කාමරය; මැදිරිය.

1. නා. ලී දෙකක් සන්ධි කිරීමේ දී ඉන් එකක මුදුනේ කපා ඉතිරි කරන කොටස; තත්තුව.
2. නා. හිසෙහි කෙස් කපා එහි මුදුනෙහි ඉතිරි කරන කෙස් රොද.
3. නා. මොනර ආදි පක්ෂීන්ගේ හිස මුදුනෙහි පිහිටි පිහාටුරොද; ශිඛාව.
4. නා. අල්පෙනෙත්ති යකඩ ඇණ ආදියේ මුදුනේ තිබෙන මහත කොටස; හිස; මුදුන.

කුඩිල්ල

(කථා.) නා. ගෙය; වාසස්ථානය.

කුඩු

1. නා.ප්‍ර. ඉතාමත් සියුම් ද්‍රව්‍ය කැබලි; ධාන්‍ය, ඖෂධ ආදිය අඹරාගත් පිටි හෝ චූර්ණය; හුණු.
2. නා.ප්‍ර. දූවිලි; ධූලි.
3. නා.ප්‍ර. හෙරොයින් ආදි මත් ද්‍රව්‍ය.