සංක්ෂිප්ත සිංහල ශබ්දකෝෂය – 62
අතුරු වසා
නා.ප්‍ර. අඳනය; අන්තරා වාසකය; තුන් සිවුරෙන් එකක්.
අතුරු ව්‍යවස්ථාව
1. නා. පැතුරුණු ව්‍යවස්ථාවක් සංශෝධනය කොට පැන වූ ව්‍යවස්ථාව.
2. නා. නීතියක් යටතේ පැනවූ රීතිය; රෙකුලාසිය.
අතුරු වැටිය
(කථා.) නා. හේන් එළි කිරීමේදී කඳු වැටියක් මුදුනේ නොකපා ඉතිරි කරනු ලබන කැලෑරොද.
අතුරු සිදුරු
නා.බහු. ඉඩ කඩ; අවකාශය; පරතරය.
අතුරුණුව
1. (පාරිභා.) නා. මාවවුලු ආදි සතුන්ගේ පියාපත් වශයෙන් ක්‍රියාවේ යෙදෙන චර්ම පටලය (=patagium).
2. නා. ඇතුළත වැස්මක් හෙවත් පෝරුවක් වශයෙන් අතුරන ලද්ද (=lining).
අතුරුදන් වෙනවා
1. ක්‍රි. නොපෙනී යනවා.
2. ක්‍රි. පහ වෙනවා; දුරු වෙනවා.
අතුරුපස
නා.ප්‍ර. ප්‍රධාන ආහාර වේල් වලින් පසුව ගන්නා පලතුරු හෝ වෙනත් රසවත් කැවිලි පෙවිලි ආදිය.
අතුරුමග
නා. මාර්ගයක් හෝ ගමනක් අතරතුර කොටසක්; විහිදී ගිය මඟ.
අතුරුමාව
නා. අක්මාව; කැවුත්ත.
අතුරොද
නා. ගස් වලින් එල්ලා වැටෙන අතු සමූහය.
අතුල
වි. අසමාන; අසම; අතුල්‍ය.
1. නා. අල්ල; අත්ල
2. නා. අත්ල යොදා ගත හැකි ප්‍රමාණය.
අතුල් ඇටය
(පාරිභා.) නා. අත්ලට ඇඟිලි සම්බන්ධ වන තැන පිහිටා ඇති ඇටය (=metacarpal bone).
අතුල් තලය
නා. අත්ල; අත්තල.
අතුල් පහර
නා. අත දිගහැර ගහන පාර.
අතුල් රේඛා
නා.බහු. අල්ලෙහි පිහිටි ඉරි; හස්තරේඛා.
අතුල්පත
(කථා) නා. හතරැස් ආකාරයට පන්වලින් වියන ලද වට්ටි විශේෂයක්.
අතුල්පතුල්
නා.බහු. අත් තල සහ පාද තල.
අතුල්ලනවා
1. ක්‍රි. තවරනවා; ගානවා
2. ක්‍රි. උළනවා; පිරිමදිනවා.
අතුල්සුඟ
නා.ප්‍ර. කුඩා අල්ල; කුඩා දරුවකුගේ අත්ල.
අතුවැල
1. (කථා) නා. ගොවිපළක සතුන් එළවීම සඳහා යොදා ඇති උපකරණය; ටක පෝරුව
2. නා. ඒ දඬු, තරප්පු ආදියෙහි අතින් අල්ලා ගැනීම සඳහා ඇති ආධාරකය; වැට.
අතුසන
1. නා. කැලෑ මාර්ගවල අතු කඩා දැමීමෙන් පෙන්නුම් කරන සලකුණ
2. නා. ගෙයක හෝ සීමාවක දොසක් හෝ කිල්ලක් හෝ දක්වන ලකුණ.
අතුස්වා
නා.ප්‍ර. තූර්ය වාදකයා.
අතුහේන
නා. ගස් වල අතුවලින් හෙවී ගිය පටු කැලෑපාර.
අතුළ
1. වි. එළන ලද; දිග අරින ලද.
2. වි. විසුරුවන ලද; ඉසින ලද.
3. වි. පිළියෙල කරන ලද; සකස් කරන ලද; පනවන ලද.
නා. අතළගල; ගල් තලාව.