සංක්ෂිප්ත සිංහල ශබ්දකෝෂය – 650

ඡායා දණ්ඩ

නා. කෙළින් සිටවූ දණ්ඩකට හිරු එළිය වැටී සෑදෙන සෙවනැල්ල මැනීමෙන් වේලාව හා අක්ෂාංශය මැන ගැනීමේ උපකරණයක්.

ඡායා පටිය

නා. ඡායාරූපයක් ගන්නා විට ඡායාව පිළිබිඹු වන සිහින් තුනී සිවියක් වැනි පටලය; සේයා පටිය.

ඡායානුවාදය

නා. වචනාර්ථයට වඩා, ප්‍රකාශිත සාමාන්‍ය අදහසට ප්‍රමුඛත්වය දී කරනු ලබන අනුවාදය.

ඡායාරූප ශිල්පය

නා. කැමරාවකින් පින්තූර ගැනීමේ ශිල්පය; ඡායාරූප ගැනීමේ විධි ක්‍රමය.

ඡායාව

1. නා. සෙවන; සෙවනැල්ල; ආලෝකය මුවා වීමෙන් ඇති වූ මඳ අඳුර.
2. නා. ජලය, දර්පණ තල ආදියෙහි පෙනෙන පිළිබිඹුව; ප්‍රතිබිම්බය.
3. නා. රූප ලාවණ්‍යය; රූප ශෝභාව.

ඡායාස්ථිති පිටපත

නා. ආලෝක ධාරා මගින් විශේෂ කැමරා උපක්‍රමයකින් ගත් ලියවිලි ආදියක පිටපත; ඡායාරූප පිටපත (=photostat copy).

ඡායුදකසම්පන්න

වි. සෙවණින් හා ජලයෙන් යුත්; හෙවණින් ආවරණය සහ දිය බහුල වූ.

ඡාරිකා

නා.ප්‍ර. යම් ද්‍රව්‍යයක් දැවී ශේෂ වන කුඩු; අළු.

ඡිද්‍ර විදාරණය

(පාරිභා.) නා. අග්නි භූධරයක් සිදුරක් දිගේ පුපුරා යෑම; සිදුරක් දිගේ සිදු වන යමහල් විදාරණය (= fissure eruption)

1. නා. සිදුර; හිල.
2. නා. මල, දහඩිය ආදිය වහනය වන සිදුර; ඉතා කුඩා විවරය; සියුම් සිදුර; කූපය.
3. (පාරිභා.) නා. කයිටිනීය හෝ කාටිලේජීය හෝ අස්ථිමය හෝ කංකාල අවයවයක තිබෙන සිදුරක් (=foramen).
4. (භූගෝ.) නා. හිදැස; දැදුර; පොළොවේ පිට ආවරණය මත සිදුවන පැල්ම.