සංක්ෂිප්ත සිංහල ශබ්දකෝෂය – 1077

පැතලි ඇට

නා.ප්‍ර. මිනිස් සිරුරෙහි පිහිටි අස්ථි අතර ගනකමින් අඩු ව පළල් ව පිහිටි අස්ථි විශේෂය.

පැතලි කප්පිය

(පාරිභා.) නා. ඝනකමින් අඩු පළලින් වැඩි බොලොක්කය.

පැත්ත

1. නා. දිසාව ; පෙදෙස ; ප්‍රදේශය.
2. පිළ ; පක්ෂය ; කණ්ඩායම.
3. පාර්ශ්වය ; අංශය ; කොටස.

පැති කටුව

(පාරිභා.) නා. මට්ටම් කිරීම සඳහා භාවිත කරන ආයුධයක්.

පැතිකඩය

(පාරිභා.) නා. පැත්තකින් බැලූ විට පෙනෙන අන්දම ; බාහ්‍යරූපය.

පැතිකෙවුම

(පාරිභා.) නා. ගෘහ සැලැස්මක ප්‍රධාන දොර ඉදිරිපස වූ පිල් කෙළවර ; අක්දෙරිය.

පැතිරෙනවා

ක්‍රි. ව්‍යාප්ත වෙනවා ; විහිදෙනවා ; ප්‍රසාරණය වෙනවා ; පතළ වෙනවා ; විසිරෙනවා.

පැදකුණු

නා.ප්‍ර. යමකට හෝ යමකුට ගරු කිරීම පිණිස එදෙසට දකුණත සිටින සේ වාර කීපයක් වටා යාම ; ප්‍රදක්ෂිණාව.

පැද්දෙනවා

1. ක්‍රි. ඔන්චිල්ලාව මෙන් පැත්තෙන් පැත්තට හෝ ඉදිරියට පස්සට තල්ලු වෙනවා ; දෝලනය වෙනවා.
2. ස්ථිර නිගමනයක් හෝ අධිෂ්ඨානයක් නැති ව නිතර නිතර වෙනස් වෙනවා ; චපල බවින් යුතු වෙනවා.

පැදුර

නා. පන් ලණු ආදියෙන් වියනු ලබන ආස්තරණ විශේෂය.

1. නා. පැන නැඟී ඇති ගැටලුව ; විසඳිය යුතු කාරණය ; ප්‍රශ්නය.
2. බීමට සුදුසු වතුර; පානීය ජලය.
3. ජලය මිශ්‍ර කොට සාදාගත් බීම වර්ගය ; පානය.
4. නුවණ ; ප්‍රඥාව.
5. කළය ; ඝටය.
6. අත්හළ දෙය ; හැර දැමු දෙය.
7. මල පුඩුව.