සංක්ෂිප්ත සිංහල ශබ්දකෝෂය – 1434

වජ්‍රපාණි

1. නා.ප්‍ර. ශක්‍ර දෙවියා.
2. මහායාන බෝධිසත්වයකුගේ නාමය.

වජ්‍රාසනය

නා. පරාජය කළ නොහැකි ආසනය ; නොසිඳිය හැකි අධිෂ්ඨානයෙන් යුක්තව සිදුහත් තවුසාණන් හිඳගත් ආසනය ; විදුරසුන.

වජාරනවා

1. ක්‍රි. වදාරනවා ; දේශනා කරනවා.
2. අණ කරනවා.

වජිර

1. නා.ප්‍ර. දියමන්ති ; අගයෙන් උසස්ම මැණික් වර්ගය.
2. ශක්‍රයාගේ ආයුධය ; වජ්‍රායුධය.

වඤචක ධර්මය

නා. යහපත් සිතුවිල්ලක වෙසින් සිතෙහි හටගන්නා අයහපත් හෙවත් අකුසල් සිතුවිල්ල ; වංචක චෛතසිකය.

වඤ්චනය

1. නා. රැවටීම ; වංචාව ; කපටිකම ; ප්‍රයෝගය.
2. පයින් ගමන් කිරීම ; ඇවිදීම.

වි. රවුම් ; වටකුරු.
1. නා.ප්‍ර. රවුම ; කවය ; වෘත්තය ; චක්‍රය ; පරිමණ්ඩලය.
2. සංසාරය.
3. වට ප්‍රමාණය.
4. පන්දුව ; බෝලය ; ගුළිය.
5. හාත්පස.
6. නුග ගස.
7. වාරය ; වර ; විට.
8. වේතනය ; වැටුප.
9. මුදලට භාණ්ඩ විකිණීම.
10. කාලය.
11. ඉඩකඩ ; අවසරය.
12. පස ඇටය ; දාදු කැටය.
13. කබ.
14. වැටිය ; පහන් ආදී වැට.
15. වැට ඉණි සිටුවා සාදන වැට.