සංක්ෂිප්ත සිංහල ශබ්දකෝෂය – 169
අල්ගේ
1. නා.ප්‍ර. අළුව හෙවත් රෙදි වියන යන්ත්‍රය පිහිටි මඩුව.
2. නා.ප්‍ර. රෙදි වියන යන්ත්‍රය.
අල්ට්‍රාවයලට්
(පාරිභා.) නා.ප්‍ර. පාරජම්බූල; පායා එන හිරුගේ රශ්මිය(=ultra violet).
අල්තාරය
1. නා. (ක්‍රිස්ති.) පූජාසනය; පූජා පීඨය.
2. නා. වාහල්කඩ.
අල්ප
වි. මඳ; ටික; ස්වල්ප; කුඩා; සුළු.
අල්ප බුද්ධිය
නා. මන්ද බුද්ධිය.
අල්පඥයා
නා. මඳ නුවණ ඇත්තා; මෝඩයා.
අල්පතාක්කය
(කථා.) නා. ගෙයක පිටිපස ඉස්තෝප්පුව.
අල්පප්‍රාණ
නා.ප්‍ර. (ව්‍යාක.) උච්චාරණ ප්‍රයත්නයේ දී ප්‍රාණවායුව අල්පව යොදා ශබ්ද කළ හැකි අක්ෂර; මහාප්‍රාණ නොවන අකුරු.
අල්පභක්ෂ
වි. කෑම හිඟ; ආහාර නැති.
අල්පමාත්‍ර
වි. ස්වල්ප ප්‍රමාණ වූ; ඉතා මඳ; සුළු.
අල්පශ්‍රැතයා
නා. ඇසූ පිරූ තැන් නැත්තා; බහුශ්‍රැත නොවන්නා; නූගතා.
අල්පාබාධ
අල්පායු
[අල්ප + ආයු]
නා.ප්‍ර. ස්වල්ප වූ ආයුෂ ප්‍රමාණය; කෙටි ජීවිත කාලය.
අල්පාහාරික
[අල්ප + ආහාරික]
වි. ස්වල්ප වශයෙන් ආහාර අනුභව කරන; ප්‍රමාණය සලකා අනුභව කරන.
අල්පීභූත
වි. කුඩා වූ; ඉතා සුළු.
අල්පේච්ඡයා
[අල්ප + ඉච්ඡයා]
නා. ස්වල්ප වූ ඉච්ඡා ඇත්තා; ලද දෙයින් සතුටු වන්නා.
අල්පේච්ඡාව
නා. ස්වල්ප වූ ඉච්ඡා ඇති බව; ලද දෙයින් සතුටු වන බව.
අල්පේශාඛ්‍ය
[අල්ප + ඊශ + අඛ්‍ය]
වි. අල්ප වූ යශස් ඇති; ස්වල්ප අනුභාව ඇති; බලයෙන් අඩු.
අල්පෝත්සාහ
වි. ස්වල්ප වූ උත්සාහයෙන් යුත්; මඳ වීර්යය ඇති; මන්දෝත්සාහී.
අල්පෝදක
අල්බය
නා. දිව්‍ය පූජාවට සූදානම් වන පූජා ප්‍රසාදිතුමා අඳින දීර්ඝ ධවල වස්ත්‍රය.
අල්මුසුව
නා. උදේ කෑම; උදය භෝජනය; පාතරාසය.
අල්ල
1. නා. අතෙහි ඇතුළු පැත්ත.
2. නා. අහුර; ස්වල්පය.
3. නා. අඳුන්.
4. නා. කුඹලාගේ මැටි පත්ත.
වි. තෙමුණු; තෙත.
අල්ලනවා
1. ක්‍රි. අත තබනවා; ස්පර්ශ කරනවා; අල්ල ගන්නවා.
2. ක්‍රි. දැඩි ලෙස ග්‍රහණය කරනවා; බැඳ ගන්නවා; අලවනවා; සවි කරනවා; සම්බන්ධ කරනවා.
3. ක්‍රි. ඇතුළත් වෙනවා; අඩංගු වෙනවා.
4. ක්‍රි. ඇලෙනවා; බැඳී තද වී සිටිනවා.
5.ක්‍රි. ආරම්භ කරනවා; පටන් ගන්නවා.
6. ක්‍රි. (ලෙඩක්) වැලඳ ගන්නවා.
7. ක්‍රි. හපනවා; කනවා.