සංක්ෂිප්ත සිංහල ශබ්දකෝෂය – 1801
සැසිවාරය
නා. රැස්වීම් වාරය ; රැස්වීම හෝ නඩුවක් පවත්වන වාරය.
සැහැ
වි. ශාක්‍ය වංශික ; ශාක්‍ය වංශයට අයත්.
1. පූර්ව.ක්‍රි. ඉවසා ; විඳදරා.
2. සීසෑම කොට ; සීසා.
සැහැත්
වි. උත්සාහවත් ; වීර්යවන්ත.
සැහැන්
නා.ප්‍ර. සවස ; සන්ධ්‍යාව ; හවස.
සැහැල්ල
නා.ප්‍ර. සිංහල පද්‍ය වෘත්ත විශේෂයක් ; ගීපද දෙපද කවි හා සිවුපද මිශ්‍රකොට රචනා කරන ලද පද්‍ය විශේෂය.
සැහැල්ලි
නා.ප්‍ර. එකට එක කිරීම ; පළි ගැනීම.
සැහැල්ලු
1. වි. බර නැති ; බර අඩු ; චාම්.
2. ශීඝ්‍ර ; ඉක්මන්.
3. පහසු ; ලේසි.
සැහැල්ලුව
1. නා. බර නැතිබව.
2. හෑල්ලුව ; පහත් කොට කතා කිරීම ; බාල්දු කිරීම.
3. (විශේෂයෙන් බෞද්ධ වන්දනාකරුවන්) කරේ දමාගෙන යන බඩු පොදිය ; ඔලොගුව.
4. බඩ යෑම ; පාචනය වීම ; බඩ විරේක වීම.
සැහැවි
වි. ස්වභාවය ඇති ; ස්වභාවයෙන් යුතු.
1. නා.ප්‍ර. ස්වභාවය.
2. ශ්‍රාවිකාව ; ශ්‍රාවකවරිය.
සැහැසි
වි. සාහසික ; දරුණු ; දාමරික ; හිංසා සහගත.
සැහැසී
නා.ප්‍ර. ශාක්‍ය සිංහයා ; බුදුන් වහන්සේ.
සැහිරියාව
නා. සුහුරුකම ; සම්ප්‍රදායය.
සැහී
පූර්ව.ක්‍රි. සාහසික වී ; දරුණු වී.
සැළ
1. නා.ප්‍ර. කපටිබව ; කෛරාටික බව.
2. වංචාව ; රැවටීම.
3. සැළිය ; මුට්ටිය.
වි. ප්‍රකට ; ප්‍රසිද්ධ.
සැළ මුතු
වි. වංචාවෙන් තොර ; කෛරාටික නොවූ ; කපටි බවෙන් මිදුණු.
සෑ
1. නා.ප්‍ර. සෑය ; චේතිය.
2. චිතකය.
3. ශ්වේත.
4. ශාක්‍ය.
5. ඊයම්.
6. සැවැන්දරා.
පූර්ව.ක්‍රි. හාන ලද.
සෑගණ
නා.ප්‍ර. චෛත්‍ය අංගණය ; චෛත්‍ය මාලකය ; දාගැබ් මළුව ; සෑය වටා ඇති එළිමහන් ප්‍රදේශය.
සෑදලය
නා. අශ්වයකු පිට වාඩි වීම සඳහා යොදන සම්වලින් සෑදූ මෙට්ටය ; ඇතිරිල්ල ; අශ්ව ආස්තරණය.
සෑනා
නා.ප්‍ර. බළලා ; පූසා.
සෑමුනි
නා. ශාක්‍ය මුනීන්ද්‍රයන් වහන්සේ ; බුදුන් වහන්සේ.
සෑය
1. නා.ප්‍ර. සෑ බුදු, පසේ බුදු, මහරහත්, සක්විති රජ යන උතුමන්ගේ ශාරීරික ධාතු තැන්පත් කොට තැනූ චෛත්‍යය.
2. දර සෑය ; චිතකය.
සෑසී
නා.ප්‍ර. ශාක්‍යසිංහ වූ බුදුරජාණන් වහන්සේ.
සෑහෙන
1. වි. ප්‍රමාණවත් වන ; අවශ්‍ය තරම්.
2. සුදුසු.
සි
1. නා.ප්‍ර. සිනාව; සිනාසීම.
2. සිහිය ; සතිය.
3. සිංහයා.