නා. උපසම්පදා භික්ෂූන් අතින් විනය නීති කැඩීමේ වරදක් සිදු වූ විට පසළොස්වක අමාවක යන දිනයන්හි භික්ෂු සංඝයා අභිමුඛයෙහි ඒ වැරදි හෙළි කිරීමෙන් කරන විනය කර්මය; පොහොය කිරීම.

උපෝසථ කුලය

නා. දස වැදෑරුම් ඇත් කුලවලින් එකක්.

උපෝසථ ශීලය

නා. ගිහියන් පොහෝ දවස්හි සමාදන් වන අටසිල්; අෂ්ටාංගසීලය.

උපෝසථය

1. නා. (විනය.) පොහොය දිනය; පොහොය කිරීමට නියමිත අව අටවක, අව තුදුස්වක, පුර අටවක සහ පුර පසළොස්වක යන දින.
2. නා. පොහොය දිනයෙහි සංඝකර්ම කිරීම; පොහොය කිරීම.

උපෝසථාගාරය

නා. භික්ෂූන් එක්රැස් වී උපෝසථ කර්මය සිදු කරන විශේෂ ශාලාව.

උබ්බෑය

(කථා.) නා. උප්පු බෑය; ලුණු පොල්කටුව.

උබ්බිනය

වි. ධර්ම විනයට විරුද්ධ වූ; වැරදි අදහස් ඇති; විනය විරෝධී.

උභතෝ

නි. දෙකින්; දෙපසින්.

උභතෝකෝටික

වි. දෙකොනක් ඇති; නිගමන දෙකකට තුඩු දෙන; විසඳුමක් හෝ තීරණයක් ගත නොහැකි; දෙ විධියකට තේරුම් ගත හැකි.

උභතෝකෝටික ප්‍රශ්නය

නා. නිගමන දෙකකට තුඩු දෙන ප්‍රශ්නය; කොයි අතට විසඳුවත් තීරණයක් කරගත නොහැකි කාරණය; විසඳීමට දුෂ්කර ප්‍රශ්නය.

උභතෝධාරා

නා.ප්‍ර. දෙපස ම කැපෙන මුවාත ඇති බව; දෙපිට කැපීම.

උභතෝසංඝයා

නා. භික්ෂු, භික්ෂුණී යන දෙවැදෑරුම් (උභය) සංඝයා වහන්සේ.