සංක්ෂිප්ත සිංහල ශබ්දකෝෂය – 357

එඩිදර්ප

නා.ප්‍ර. එඩියෙන් යුත් දර්පය; නිර්භීතකමින් ඇති වූ ගර්වය.

එඬේර ගොටුව

(කථා.) නා. ගොපලු සමයමේ දී ගොපලු යක්ෂයා වෙනුවෙන් වෙන් කර ඇති පුද ගොටුව.

එඬේරා

නා.ප්‍ර. ගව මහීෂ, එළු බැටළු, ආදි සිවුපා සතුන් බලා ගන්නා තැනැත්තා.

එතර

නා. ඒ තෙර; එගොඩ; පාරිම තීරය; විදේශය.
1. ක්‍රි.වි.ඒ ඇසිල්ලෙහි; ඒ ක්ෂණයෙහි; එවිගස.
2. ක්‍රි.වි.ඉක්බිති; තදනන්තර ව; එකල්හි.

එතරණ

නා.ප්‍ර. බැස ගැන්ම; පිවිස ගැන්ම; ආරම්භය; ප්‍රවේශය.

එතිල් ඇල්කොහොල්

(පාරිභා.) නා.ප්‍ර. ඇල්කොහොල් නමින් හැඳින්වෙන කාබනික සංයෝග කාණ්ඩයට අයත් වැදගත් සංයෝගයක් (=ethyl alcohol).

එතිලීන්

(පාරිභා.) නා.ප්‍ර. ඔලෙෆින් නමින් හැඳින්වෙන කාබනික සංයෝග ශ්‍රේණියේ මුල් සංයෝගය වන වායුවක් (=ethylene).

එතෙර කරනවා

1. ක්‍රි. ජලාශයකින් එගොඩ කරනවා.
2. ක්‍රි. (සසර දුකෙන්) එතෙර කරනවා; පාරිමතීරයට පමුණනවා.

එද්දලයා

1. (කථා.) නා. මිත්‍රයා.
2. නා. අමුත්තා.
3. නා. මස්සිනා.
4. නා. සොර සැමියා.

එන

1. වි. පැමිණෙන; ආගමනය කරන; මතු සිදුවන.
2. වි. ඇති වන; පැන නඟින.
3. වි. වෑහෙන; ගලන්නා වූ.
4. වි. ඊළඟ; ලබන; ඉදිරි;

1. (පාරිභා.) නා.ප්‍ර. ලෝහ, මැටි භාණ්ඩ, වීදුරු ආදියෙහි මතුපිට ආලේප කරන එනැමල් පෝරණුවෙහි පුළුස්සා ගනු ලබන කාචමය ද්‍රව්‍යයක්; ඉනැමල්.
2. නා.ප්‍ර. අපිචර්මීය ආවරණයක් ඇති දත්වල ද ඇතැම් කොරල්වල ද තිබෙන බාහිර චූර්ණමය ස්තරය.