සංක්ෂිප්ත සිංහල ශබ්දකෝෂය – 476

කිඹුල් කඳුළු හෙළනවා

(කථා.) ක්‍රි. බොරුවට අඬනවා; ව්‍යාජ ශෝකය ප්‍රකාශ කරනවා.

කිඹුල් තල්ල

1. නා. ලෑලි වද්දන විට යොදන මූට්ටු විශේෂයක්; කප්පිලි මූට්ටුව.
2. නා. (රථයක) බෝඹුලීය.

කිඹුල්ගහණ

නා.ප්‍ර. දැඩි සේ අල්වා ගැනීම; කුම්භීල ග්‍රහණය.

කිය

1. නා.ප්‍ර. ක්‍රමයෙන් හීන වීම; ගෙවීම; ක්ෂයවීම.
2. නා.ප්‍ර. මිල දී බඩු ගැනීම; ක්‍රය.
3. නා.ප්‍ර. ගොනුන්ගේ පිටෙහි කර ළඟ උස් ව පිහිටි මස්පිඬු; මොල්ලිය.

කියටි

[කිය + අටි]
වි. කියනු කැමති; පවසනු කැමති.
නා.ප්‍ර. කිය යුත්ත; පැවසිය යුතු දෙය.

කියත් අල්ලුව

නා. කියතේ දත් පීරි ගා සකස් කිරීම සඳහා එය තද වන සේ තබා ගැනීමට භාවිත කරන උපකරණය; කියත් දඬු අඬුව.

කියමන

1. නා. කියන දෙය; කීම; කථනය; ප්‍රකාශනය.
2. නා. අවවාදය; උපදේශය; උපදේශ වාක්‍යය.
3. නා. පණිවුඩය.
4. (පාරිභා.) නා. ප්‍රකාශය; විනිශ්චයකාරයකුගේ ප්‍රකාශය; සිද්ධාන්තය.

කියඹු

1. නා.ප්‍ර. ස්ත්‍රීන් ගේ නළලතට හෝ කොපුල්තලයට වැටෙන සේ සෑදූ කෙස්රොද; අලකාවලිය.
2. නා.ප්‍ර. කේශ කලාපය; වරලස.

කියුබ්

(පාරිභා.) නා.ප්‍ර. ලී, ලෝහ, ගල් ආදියෙහි පරිමාව මනින මිම්මක්; ඝන අඩි සියයක ප්‍රමාණය.

කියුබික් අඩිය

නා. වස්තූන්ගේ පරිමාව මනින මිම්මක්; අඩියක් බැගින් දිග, පළල හා උස ඇති හරියේ අල්ලන ප්‍රමාණය; ඝන අඩිය.

කියුරිය

(පාරිභා.) නා. විකිරණශීලී ද්‍රව්‍යයක සක්‍රියතාව මනින මිම්මක්.

කියුරියම්

(පාරිභා.) නා.ප්‍ර. අතිශය විකිරණශීලී ලෝහමය ත්‍රිසංයුජ මූලද්‍රව්‍යයක්.

1. (පාරිභා.) නා.ප්‍ර. බාල වයස්කාරයන් උන්මන්තකයන් ආදීන් ගේ දේපළ සම්බන්ධයෙන් ක්‍රියා කිරීම පිණිස නීතියෙන් පත් කෙරෙන බලකාරයා; නීතිමය බලකාරයා.
2. (පාරිභා.) නා.ප්‍ර. කෞතුකාගාර ආදියෙහි භාරකරු හෝ ආරක්ෂකයා හඳුන්වන නාමය; අවේක්ෂක.