සංක්ෂිප්ත සිංහල ශබ්දකෝෂය – 562

ගයනුකිත්ත

නා. ඖ, ඌ ආදි ස්වර හැඳින්වීම සඳහා යොදන ‘ෟ’ යන ලකුණ.

ගයිඩ් පියරය

(පාරිභා.) නා. වරායට පැමිණෙන නැව්වලට මඟ පෙන්වීම සඳහා වරායේ ගොඩනගා ඇති කණුව හෝ ප්‍රාකාරය.

ගයිනීසියම්

(පාරිභා.) නා.ප්‍ර. (උද්භි) බීජ ශාකවල ස්ත්‍රී අවයව; ජායාංගය.

ගයිරික

1. නා.ප්‍ර. උපධාතු විශේෂයක්; සිවන්ගුරු; ස්වර්ණ ගයිරික.
2. නා.ප්‍ර. රත්රන්; ස්වර්ණ; කනක.

ගර

1. නා.ප්‍ර. ගෙය; ගෘහය.
2. නා.ප්‍ර. ගිහිගෙය; ඝරාවාසය.
3. නා.ප්‍ර. ගැරඬියා.
4. නා.ප්‍ර. උග්‍ර විෂ.
5. නා.ප්‍ර. නින්දාව; අපහාසය.

ගරදිය

1. නා. කාරම් දිය කළ වතුර; ක්ෂාරෝදකය.
2. නා. ලුණු ගතිය ඇති වතුර; කිවුල් දිය.

ගරදූෂය

නා. (විෂ වර්ගයක් හෝ විෂ සහිත ද්‍රව්‍යයක් හෝ මිශ්‍රවීම නිසා) ආහාරපාන දූෂිත වීම; කෘත්‍රිම විෂ ඇති වීමට හේතුවක් වන කෑමබීම් අපවිත්‍ර වීම්.

1. ක්‍රි. (ධාන්‍ය ආදිය දියෙන් සෝදා) ගල් වැලි ආදි අපද්‍රව්‍ය ඉවත් කරනවා.
2. ක්‍රි. හලනවා; පෙරනවා.
3. ක්‍රි. අයුතු ක්‍රමවලින් මුදල් උපයනවා; අනියම් ක්‍රම මගින් හරිහම්බ කරනවා.
4. ක්‍රි. මීවද කඩා මී පැණි එකතු කරනවා; මී කඩනවා.