අක්ෂර වින්‍යාස ශබ්දකෝෂය – 360
සැරසිලි
නා.ප්‍ර. අලංකාරය පිණිස සකසන දෙය
සැරිසරනවා
ක්‍රි. සංචාරය කරනවා; ඇවිදිනවා
සැල
වි. චංචල; සසල (සං. චංචල) නා. 1. ශාලාව (පා. සාලා සං. ශාලා) 2. ආරංචිය; ප්‍රකාශය
සැල කරනවා
ක්‍රි. දන්වනවා; ප්‍රකාශ කරනවා
සැලකිලි
නා.ප්‍ර. උවමනාව; අවධානය/ ගෞරවය
සැලසුම
නා. පිළිවෙළ; ආකෘතිය; ක්‍රමවේදය
සැලළිහිණි
නා.ප්‍ර. අතීතයේ දූත කාර්යයෙහි යොදවාගත් පක්ෂියකුගේ නාමය
සැල්වීනියා
නා.ප්‍ර. දිය මත වැඩෙන වල්පැළෑටි වර්ගයක්
සැලැස්ම
නා. පිළිවෙළ;/ පිඹුර
සැලුනය
නා. කෙස් හා රැවුල් කපන ස්ථානය/ රූපලාවණ්‍ය කටයුතු කරන ස්ථානය (ඉං. saloon)
සැලෙනවා
ක්‍රි. සෙලවෙනවා/ කම්පා වෙනවා/ හැලෙනවා/ සැරසෙනවා
සැවුලා
නා. කුකුළා; කුක්කුටයා (දෙ. சாவல்)
සැසඳෙනවා
ක්‍රි. එකිනෙක ගැළපෙනවා
සැසිය
නා. වාරය; රැස්වීම් වාරය (ඉං. session)
සැහැල්ලු
වි. බර අඩු; පහසු
සැහැලි
නා.ප්‍ර. ගී පද, දෙපද හා සිවුපස මිශ්‍ර කොට සැකසූ රචනාව
සැහැසි
වි. දරුණු; නපුරු (පා. සං. සාහසික)
සැහැසී
නා.ප්‍ර. ශාක්‍ය සිංහ; බුදුරදුන්
සැළ
වි. කපටි (සං. ශඨ) නා.ප්‍ර. වංචාව; රැවටීම (සං. චාට)
සැළමුතු
වි. කපටි බවෙන් මිදුණු; අවංක වූ (සං. ශඨමුක්ත)
සැළලිහිණි
නා.ප්‍ර. සැලළිහිණි
සැළිය
නා. මැටියෙන් හෝ ලෝහයෙන් හෝ කළ විශාල බඳුන; මුට්ටිය (පා. චාටී)
සෑඟණය
නා. දාගැබ් මළුව; චෛත්‍යාංගණය (පා. චෙතියඞ්ගණ)
සෑදලය
නා. අශ්වයකු පිට වාඩි වීමට යොදන අතුරණය (ල. zadel)