සංක්ෂිප්ත සිංහල ශබ්දකෝෂය – 1272

මෙනුව

නා. ක්‍රම ලේඛයක දී කිසියම් කාර්යයක් ඉටු කිරීම සඳහා ලබාගත හැකි විධාන හා විකල්ප දැක්වෙන ලැයිස්තුව ; වරණපත.

මෙනෙහි කරනවා

ක්‍රි. සිහි කරනවා ; කල්පනාවට ලක් කරනවා ; ආවර්ජනා කරනවා.

මෙරඟ

1. නා.ප්‍ර. මිරිඟුව ; මරිචි.
2. මේ නැටුම ; මේ රංගනය.
වි. මෙ වැනි ; මේ ආකාර.

මෙරය

1. නා.ප්‍ර. මහමේරු පර්වතය.
2. සුරාව මත්පැන්.
3. රා වූ පැණි ; කල් ගිය පැණි.

මෙලනින්

(පාරිභා.) නා.ප්‍ර. මිනිස් සිරුරේ පැහැය ලබාදෙන වර්ණයක්.

මෙල්ල

1. නා.ප්‍ර. හීලෑගතිය ; කීකරුබව ; අවනතබව.
2. මොළොක්බව ; තද නැතිබව ; බුරුල.

මෙවලන්

නා.ප්‍ර. යම්කිසි වෘත්තියක් සඳහා පාවිච්චි කරන උපකරණ ; ආම්පන්න.

මෙවුන්දම්

නා.ප්‍ර. ස්ත්‍රී පුරුෂ සමාගමය ; මෛථූනය ; අඹුසැමියන් ලෙස හැසිරීම.

1. නා. පුරාණ කාන්තාවන් විසින් ඉණේ බඳින ලද ඉතා විසිතුරු කැටයමින් යුත් ආභරණයක් ; මේඛලාදාමය.
2. ඔටුන්න.
3. කඳු බෑවුම.
4. (පාරිභා.) (සත්ව.) ශ්‍රෝණි මේඛලාව ; පෘෂ්ඨවංශීන්ගේ සඟල උපාංග සම්බන්ධ වී ඇති අභ්‍යන්තර කංකාලයේ මාලයක හැඩ ඇති අවයවය.