සංක්ෂිප්ත සිංහල ශබ්දකෝෂය – 609

ගොන්වායා

නා. ගවයන් රැක බලා ගන්නා තැනැත්තා; එඬේරා; ගොපල්ලා.

ගොනා

1. නා. හරකා; ගවයා.
2. (කථා.) (රූඪි.) නා. මෝඩයා; අඥානයා.

ගොනැස

නා. පැරණි ගෘහ නිර්මාණ ක්‍රමය අනුව වහල හැඩ ගැස්වීමට ගන්නා කෙළවර හෝ මැද වක් වූ පරාලය; පරාලයේ කෙළවර වකය.

ගොනු කරනවා

ක්‍රි. පිළිවෙළකට එක්තැන් කරනවා; ඒකරාශි කරනවා.

1. නා. කිසියම් පිළිවෙලකට රැස්කර තැබූ (ලිපි ආදි) මිටිය; සකස් කළ ගොඩ.
2. නා. කැටිය; මිටිය; ගොඩ; රාශිය; සමූහය.
3. නා. එකිනෙකට ඇති සම්බන්ධය; ගැළපීම.
4. (පාරිභා.) නා. යන්ත්‍රයක එකිනෙකට පූට්ටු කළ කොටස් සමූහය (= assembly).

ගොනෝරියාව

(පාරිභා.) නා. ලිංගික රෝගයක්; සුද බින්දුම (=gonorrhoea).

ගොපල්ලා

1. නා. ගවයන් රැක බලාගන්නා; ගව පාලනය ජීවනෝපාය වශයෙන් කරන්නා.
2. නා. පොළොව පාලනය කරන්නා; මහී පාලකයා.
3. (කථා.) නා. ගවයන්ට අධිගෘහිත යැයි සැලකෙන යක්ෂයෙක්; ගොපලු යකා.

ගොපලු ගම

නා. ගොපල්ලන් වාසය කරන ගම.

ගොප් අත්ත

නා. පොල් ගහේ ගොබ අත්ත; එහි ළපටි කොළ සහිත නොවිහිදුණු පත් කැටිය; ගොක් කොළ අත්ත.

ගොප් මස

නා. බොලට දෙපසටත් දණහිස් පෙදෙසටත් අතර වූ මස් ගොබය; බත් කෙණ්ඩය.

ගොපු

1. නා.ප්‍ර. ඇස් වටය; (පයේ) වළලුකර.
2. නා.ප්‍ර. වස; වහ.

ගොපු ඇටය

නා. ගොප් ඇටය; ගුල්ඵාස්ථිය.

ගොපුර

නා. නගරයට ඇතුළු වන ප්‍රධාන දොරටුව; නගර ද්වාරය.

ගොබඩ

1. නා.ප්‍ර. කිලිල/ බඩ සහිත ගස්; පොල් පුවක් ආදි තාල වර්ගයේ ගස්.
2. නා.ප්‍ර. ළා ගෙඩිය.

ගොබය

1. නා. (පොල්, කිතුල්, කෙසෙල් ආදි ගස්වල) ළාදළුව; ළපටි කරටිය.
2. නා. වැදැල්ල; රොද; පේශිය.
3. (පාරිභා.) නා. ගඟක උඩහට වේගයෙන් දුවන විශාල උදම් රළ ගෙඩිය; වඩදිය රැළ (=bore).