අක්ෂර වින්‍යාස ශබ්දකෝෂය – 37
ආයාත
වි. පැමිණි/ආනයනය කළ (පා. සං. ආයාත)
ආයාසය
නා. උත්සාහය; පරිශ්‍රමය; වෙහෙස (පා. සං. ආයාස)
ආයිත්තම
නා. පලඳනාව; ආභරණය (දෙ. ஆயத்தம்)
ආයුධ සන්නද්ධ
වි. ආයුධයෙන් සැරසුණු
ආයුධය
නා. අවිය (පා. සං. ආයුධ)
ආයුර්වේදය
නා. ආයු පවත්වා ගැනීමට අදාළ ශාස්ත්‍රය; පෙරදිග වෛද්‍ය ශිල්පය (සං. ආයුර්වේද)
ආයුෂය
නා. ජීවත් වන කාලය; වයස (සං. ආයුෂ)
ආයුෂ්මත්
වි. දීර්ඝායුෂ ඇති/ පූජාර්හ; ගෞරවාර්හ (සං. ආයුෂ්මත්)
ආයුසංස්කාරය
නා. ආයු පලදීමේ ශක්තිය (පා. ආයුසඞ්ඛාර)
ආයෝජනය
නා. යෙදවීම/ ව්‍යාපාර ආදියට යොදන මූලධනය (සං. ආයොජන)
ආරංචිය
නා. තොරතුර; පුවත (දෙ. ஆராய்ச்சி)
ආරක්ෂණය
නා. රැක ගැනීම; සුරැකීම (සං. ආරක්‍ෂණ)
ආරක්ෂාව
නා. රැකීම; සුරක්‍ෂිතභාවය (සං. ආරක්‍ෂා)
ආරක්‍ෂක
වි. රැකීම කරන; මුරකරන (සං. ආරක්‍ෂක)
ආරණ්‍යය
නා. අරණ්‍යය
ආරබ්ධ
වි. ආරම්භ කළ; පටන් ගත් (සං. ආරබ්ධ)
ආරමණය
නා. සිත් පිනවීම/ නැවතීම (පා. සං. ආරමණ)
ආරම්භය
නා. මුල පිරීම; පටන් ගැනීම/වෑයම; පරිශ්‍රමය (සං. ආරම්භ)
ආරම්මණය
නා. අරමුණ (පා. ආරම්මණ)
ආරවුල
නා. ගැටුම
ආර්තවය
නා. ඔසප් වීම (සං. ආර්තව)
ආර්ථික
වි. අර්ථය හෙවත් ධනය හා සම්බන්ධ (සං. ආර්ථික)
ආර්ද්‍ර
වි. තෙත් වූ/ අමු/ අලුත්; නව (සං. ආර්ද්‍ර)
ආර්ය
නා.ප්‍ර. උත්තමයා; ශ්‍රේෂ්ඨයා/ ගුරුවරයා/ ජන වර්ගයක නාමය (සං. ආර්ය)
ආර්ය ශ්‍රාවකයා
නා. ආර්ය මාර්ගයට පැමිණි තැනැත්තා (සං. ආර්යශ්‍රාවක)