සංක්ෂිප්ත සිංහල ශබ්දකෝෂය – 957
නිසැදුරු
නා.ප්‍ර. (විනය.) නවක භික්ෂූන්ට නිස්සය හෙවත් නිස උගන්වන ආචාර්යවරයා.
නිසි
1. වි. සුදුසු; යෝග්‍ය; ගැළපෙන; අවශ්‍ය.
2. වි. නිත්‍ය; ස්ථිර නියත.
නිසිණිය
නා. ඉණිමඟ; හිණ; පඩිපෙළ.
නිසිත
නා. ව්‍යංජනාක්ෂර; හල් අකුරු.
වි. තියුණු කළ; තීක්ෂ්ණ වූ; මුවහත් කළ.
නිසිත රැය
නා. මධ්‍යම රාත්‍රිය.
නිසිතා
වි. සුදුසු; යෝග්‍ය.
නිසින්
ක්‍රි.වි. නිතින්; නිත්‍ය වශයෙන්; සැබැවින්.
නිසින්න
වි. හිඳගත්; වාඩිගත්.
නිසින්නාසනය
1. නා. හිඳගත් අසුන.
2. නා. හිඳගත් විලාසය; හිඳගත් ඉරියවුව.
නිසිඳු
නා.ප්‍ර. රාත්‍රියට අධිපතියා; සඳ; චන්ද්‍රයා.
නිසිපිය
නා. රාත්‍රියෙහි ප්‍රියයා වූ චන්ද්‍රයා; සඳ.
නිසිම්
නා.ප්‍ර. (විනය.)සීමාවක් නැති තැන; සීමාවෙන් පිටත; අසීමාව.
නිසියාකාර
[නිසි + ආකාර]
ක්‍රි.වි. යෝග්‍ය පරිදි; සුදුසු අන්දමින්; නියම ආකාරයෙන්.
නිසිරි
1. වි. නිශ්‍රීක; නිසරු.
2. වි. ශ්‍රී නැති; අවාසනාවන්ත; කාලකණ්ණි; නින්දිත.
නිසීදනය
1. නා. හිඳීම; හිඳ ගැනීම.
2. නා. භික්ෂූන් වැඩ හිඳිනා ඇතිරිය හෝ සම්කඩ; පත්කඩ; ඇතිරිල්ල.
නිසු
වි. ඇසුරු කළ; ආශ්‍රයෙහි වාසය කරන; නිශ්‍රිත.
නිසෙනි
ක්‍රි.වි. මුළුමනින්; ඉතිරි නැති ව; ශේෂයක් නැති ව.
නිසේවිත
1. වි. ඇසුරු කරන ලද; වාසය කරනු ලැබූ; ගැවසී ගත්.
2. වි. පුරුදු කරන ලද; භාවිත කරන ලද.
නිසොර
වි. සොර නොවන.
නිසොල්මන
නා. නිසලබව; කතාබහක් නැතිබව; නිහඬතාව; නිශ්ශබ්දතාව.
නිසොල්මනේ
ක්‍රි.වි. හොර රහසේ; නිහඬව.
නිහඬ
වි. ශබ්දයක් නැති; නිශ්ශබ්ද.
1. නා. කළයුත්ත; කළ යුතු කාර්යය; කිරීමට අවශ්‍ය දෙය.
2. නා. සමෘද්ධිය; කාර්ය සිද්ධිය; සම්පූර්ණ කිරීම.
නිහඬුරු ලනවා
ක්‍රි. සෝ සුසුම් හෙළනවා; දුක් සුසුම් ලනවා.
නිහත
වි. නසන ලද; විනාශ කරන ලද.
නිහතමාන
වි. නසන ලද මානය ඇති; මානය වනසා දැමූ; මාන රහිත; ආඩම්බර නැති.