සංක්ෂිප්ත සිංහල ශබ්දකෝෂය – 969

නෙත්තිය

1. නා. අද්දර; ගැටිය; කෙළවර.
2. නා. කුඩ; පෙරමුණ; ඉදිරිය.
3. නා. නළය.

නෙත්දළ

නා.ප්‍ර. ජටාවෙහි නේත්‍රයක් ඇත්තා වන ඊශ්වර දෙවි; තිනෙත්.

නෙමිය

1. නා. රෝදයක් වටා ඇති පට්ටම; නිම් වළල්ල.
2. නා. වෘත්තයක කවාකාර සටහන.

නෙය

වි. නුවණ මෙහෙයා දත යුතු; අවබෝධ කටයුතු; පැමිණවිය යුතු; අධ්‍යාහාර වශයෙන් ගත යුතු.

නෙය්‍ය

වි. පැමිණිය යුතු; යොමුවිය යුතු; (ආර්ය මාර්ග ඵලාධිගමය පිණිස) මෙහෙයවිය යුතු.

නෙයියාඩම

නා. විකට කෙළිනළුව; නැටුම; විගඩම; විහිළුතහළුව.

නෙරනවා

1. ක්‍රි. පන්නා දමනවා; එළවා දමනවා; ඉවත් කරනවා.
2. ක්‍රි. පිටතට මතු වෙනවා.

නෙරවනවා

ක්‍රි. ඉදිරියට හෝ පිටතට දික්කරනවා; (ඇස් කන් ආදිය) මතු කර පෙන්වනවා.

1. නා. ස්ත්‍රීන් හඳිනා වස්ත්‍රයෙහි ඉණෙන් පිටතට වැටෙන රැලි කොණ; නෙරිපට.
2. නා. පොළෝ මතු පිටට පැමිණ පෙනෙන්නට තිබෙන පාෂාණ තට්ටුවක කොටස; උද්ගතය.
3. නා. පැත්තකින් නෙරා ඇති කඳු සහිත කොටස (=spur); නෙරා ගිය යමක්.
4. නා. අනින උල; තුඩ ඇති කටුව.