සංක්ෂිප්ත සිංහල ශබ්දකෝෂය – 41

අඩපද

1. නා.ප්‍ර. හරි හැටි නොගැළපීම.
2. නා.ප්‍ර. කෙටි රබන් පදය.
3. නා.ප්‍ර. පද්‍යයක පාදයකින් අර්ධය.

අඩපන්න

නා. කර්මාන්තයකට අවශ්‍ය උපකරණ; මෙවලම්; ආම්පන්න.

අඩපලක්

නා.ප්‍ර. මෙහෙණින් හිඳගන්නා ක්‍රමය; එක් පයක් හකුළුවා බැඳ ගන්නා පර්යංකය; අර්ධ පර්යංකය.

අඩමාන

වි. අනුමාන; සැක සහිත; අස්ථිර.
නා.ප්‍ර. සැකය; අනුමානය.

අඩය

නා. යමක් නොසෙල්වෙන සේ සිර කොට තබනු ලබන කැටය හෝ කොටය හෝ ආධාරකය.

අඩයාලම

1. නා. සලකුණ; සටහන; ලාඤ්ඡනය.
2. නා. සිහි වීමට දෙන ලකුණ; නිමිත්ත.
3. නා. හැඩහුරුකම; ස්වරූපය.
4. නා. හරකුන්ගේ සිරුරේ ගහන හන; හංවඩුව.

අඩයාලම් කොඩිය

නා. රූපයක් ඇඳ තිබෙන ධජය; සටහන සහිත ධ්වජය.

අඩල

1. නා. අඩක් ඉතිරි වූ දෙය.
2. නා. කොටසක් ඉතිරිකොට ගාන ලද පොල් බෑය.

අඩලා ගන්නවා

(කථා.) ක්‍රි. අනුන් සතු ඉඩකඩම් අත්පත් කර ගැනීමට වැටකටු ආදිය ශුද්ධ කරනවා; මායිම් එළිපෙහෙළි කරනවා.

අඩවල්

වි. යන්තම් ඇරුණු; සම්පූණයෙන් නොවැසූ; අඩවන්.

1. නා. නැටුම් පදයක්; නැටුමක විරාමයකට පෙර පාන නැටුම; කෙනෙකූට ගෞරව කිරීමක් වශයෙන් නටන නැටුම.
2. නා. පය පැකිලීමෙන් හෝ නොසැලකිල්ල නිසා හෝ සිදුවන වැටීම; අනතුරුදායක අවස්ථාව.
3. (රූඪි.) නා. මතභේදාත්මක වූ අවස්ථාව; ගැටුම්කාරී අවස්ථාව.