සංක්ෂිප්ත සිංහල ශබ්දකෝෂය – 42

අඩාළ

වි. අඩක් ඉතුරු වූ; අවසාන නොවූ; අසම්පූර්ණ.

අඩාළ කරනවා

ක්‍රි. (කෙරීගෙන යන කටයුත්තක්) අඩපණ කරනවා; බාධා කර වළක්වනවා; සම්පූර්ණ කිරීමට ඇති මං අසුරනවා.

අඩාළ පොහොය

නා. එක් රැයක් හෝ එක් දවාලක් හෝ පමණක් රකින පෙහෙවස; අඩ පෙහෙවස; අර්ධ උපෝසථය.

අඩි කොළය

නා. පැළයක මුල් කොළය; පළමුවෙන් ඇදුණු පත්‍රය.

අඩි කෝඩය

1. නා. කලබලය; නොසන්සුන්කම.
2. නා. විගඩම; කෝලම; විහිළුව.
3. නා. අමනුෂ්‍ය ශබ්දය.
4. නා. කුණාටුව; සුළි සුළඟ.

අඩි කෝදුව

නා. දිග මැනීමේ උපකරණයක්; අඩියක් හෙවත් අඟල් දොළහක් දිග ඇති මිම්ම.

අඩි පට්ටලය

(කථා.) නා. ලෝහ තහඩු ආදිය තබා තළන කිණිහිර.

අඩි පල්ල

1. නා. පයේ යටි පැත්ත; යටි පල්ල; යටිපතුල.
2. නා. වළඳේ පතුල; බඳුනක අඩිය.
3. නා. වළඳ පතුලේ ඇලී පවතින කෑම.
4. නා. කමතේ දැමූ කුඩා ගොයම් කොළ කැටිය; පාවර පල්ල.

අඩි පාර

1. නා. පයින් ගමන් කිරීම නිසා ඇති වූ පාර; පයින් පමණක් යා හැකි පටු මාර්ගය.
2. නා. කිසිවකුගේ පා සලකුණ.
3. නා. යම් පුද්ගලයකු ජීවිතය ගෙවූ පිළිවෙළ.

අඩි මඩක්කුව

(කථා.) නා. අඩිය ඇති මැටි කෝප්පය; අඩි සහිත වූ කට පළල් මැටි භාජනය.

අඩි මාත්‍රය

(කථා.) නා. නැටුමට පෙරාතුව ඒ මාත්‍රයට කියන කවි පදය; අඩව්වට පළමු ව පද තාලයට කරන ගමන.

අඩි හප්පනවා

(කථා.) ක්‍රි. (තරහ පෙන්වීම වශයෙන්) (කෝපය ප්‍රකාශ කිරීමේ දී) වැරෙන් පය බිම හප්පනවා; වේගයෙන් අඩිය බිම ගසනවා.

අඩිංචිය

(කථා.) නා. ලීයක් ඉරා කපා ඉතුරුවන කොට කැබැල්ල; ඉරන ලද ලීයේ ඉතුරු කොටස.

අඩිතාලම

1. නා. ගොඩනැගිලි තැනීමට බඳින මුල් බැම්ම; අත්තිවාරම.
2. නා. යම් කාර්යයක මුල් පියවර.

අඩිපලු බෝය

නා. (කමත්.) ගොයම් කොළයක් එකතු කරන විට දමන මුල් ගොයම් පිඩ; කමතේ කොළ කැටිය සෑදීමේ දී දමන මුල් උප්පිඩ.

1. නා. පය; කකුල.
2. නා. පා සටහන.
3. නා. පියවර; පය උස්සා තබන දුර ප්‍රමාණය.
4. නා. (භාජනයක) පතුළ; පල්ල.
5. නා. මුල් කොන; මුල් කෙළවර.
6. නා. යමක් දරා සිටින සේ සාදන ලද ආධාරකය.
7. නා. තරාතිරම; තත්ත්වය.
8. නා. අඟල් දොළහක් දිග මිනුම් ප්‍රමාණය.
9. නා. වරකට බොන මත්පැන් ප්‍රමාණය; පානය පිණිස වත් කරගත් සුරා කොටස.
10. නා. සින්දුවක පද්‍යයක පාදය.
11. නා. චීන අඩි සටන් ක්‍රමයට අත් පා ආදියෙන් දෙන පහර.

සංක්ෂිප්ත සිංහල ශබ්දකෝෂය – 42

අඩාළ

අඩාළ කරනවා

අඩාළ පොහොය

අඩැස

අඩැසි බැල්ම

අඩි කුරය