සංක්ෂිප්ත සිංහල ශබ්දකෝෂය – 645

චූර්ණධර

(පාරිභා.) වි. කැල්සයිට් හෝ කැල්සියම් කාබනේට් අඩංගු නැතහොත් ඒවා නිපදවන (=calciferous).

චූර්ණය

1. නා. ඉතා සියුම් කුඩ; සුනු.
2. නා. බෙහෙත් කුඩ.

චූර්ණිකාව

1. නා. තාලයකට කියනු ලබන ගාථා ශ්ලෝකාදිය සහිත විස්තරාත්මක කථනය.
2. නා. උත්සව අවස්ථාවක දී පවත්වන ප්‍රශංසාත්මක කථාව.
3. (කථා.) නා. කයිවාරු දෙඩීම; පුරසාරම් කීම.

චූර්ණීභවනය

(පාරිභා.) නා. කැල්සියම් ලවන තැන්පත් වීම; චූර්ණමය පදාර්ථ නිධිගත වීම.(=calcification)

චූලාපරාධ

නා.ප්‍ර. (නීති.) චූල අපරාධය; බරපතල දඬුවම් ලැබීමට තරම් නොවන සුළු අපරාධය; සුළු වැරැද්ද.

චූලිකා

1. නා.ප්‍ර. ඇත් කම්මුල; හස්ති කපෝලය.
2. නා.ප්‍ර. නාට්‍යය; නාටය සභාව.

චූවිංගම්

නා. මුවෙහි දමා සප සපා සිටීමට සකස් කළ රස ගැන් වූ කොහොල්ලෑ මෙන් ඇදෙන සුළු ද්‍රව්‍යයක්.

1. (පාරිභා.) නා. උපකරණයක් තුළින් වායු හෝ ද්‍රව ධාරාවක් ඇද ගැනීමේ උපක්‍රමයක් (=aspirator).
2. නා. ආරෝහක හා වල්ලි ශාකයක් ඉහළට නැඟීමේ දී යොදාගන්නා පහුරුවල ශාඛා අග ඇති ධාරකයට ඇලෙන කැටිත්ත (=sucker).
3. නා. පරපෝෂිත ශාකයක් ධාරක ශාකය වටා එතී, එහිදී පටක ඇතුළට කා වැදී රසය උරාගන්නා අවයවය.