සංක්ෂිප්ත සිංහල ශබ්දකෝෂය – 903

නාරිලතා

නා. මනඃකල්පිත මල්වැල් විශේෂයක්; කාන්තා උඩුකයක විලාසය ගත් මල් හටගන්වතැයි ද හිමාලයෙහි වැවෙතැයි ද විශ්වාස කරනු ලබන වැලක්.

නාරිලතා වැල

නා. නාරිලතා වැල පිළිබඳ කල්පිතය ආශ්‍රිත කොට ගෙන සකස් කර ගත් චිත්‍ර මෝස්තරය.

නාරිවේදික

(පාරිභා.) වි. කාන්තා රෝග සම්බන්ධ වූ (=gynaecological).

නාලරුහ

(පාරිභා.) වි. නළයක ජීවත් වන (=tubicolous).

නාලස්ථුණය

(පාරිභා.) නා. දණ්ඩක (මදය සහිත) සිලින්ඩරාකාර දඟර ප්‍රදේශය.

නාලි

1. නා.ප්‍ර. ධාන්‍ය වර්ග ආදිය මැනීම සඳහා භාවිත කරන මිනුම් භාජනය; නැලි.
2. නා.ප්‍ර. කුහරයක් සහිත දණ්ඩ; නළය.
3. නා.ප්‍ර. ලේ ගමන් කරන නහරය; ධමනිය.
4. නා.ප්‍ර. චර්ම රෝගයක නාමය.

නාලිකා යන්ත්‍රය

(පාරිභා.) නා. ද්‍රව වර්ග ඇද ගැනීම සඳහා තනා ඇති චක්‍ර නළය.

නාලිකාග්‍රය

(පාරිභා.) නා. කුක්ෂිවෘන්තය; කලංකය; ස්ත්‍රී කේසර දණ්ඩ කෙළවර පරාග ග්‍රහණය සඳහා පිහිටි කුක්ෂිය.

1. නා.ප්‍ර. ගුවන් විදුලි සහ රූපවාහිනි සේවාවන් හඳුන්වන නාමය; ගුවන් විදුලි හා රූපවාහිනි තරංග සම්ප්‍රේෂණය උදෙසා වෙන් කොට දී ඇති සංඛ්‍යාත පරාසය.
2. (පාරිභා.) නා.ප්‍ර. වීදුරු නළය; කුහර සහිත වීදුරු දණ්ඩ.
3. නා.ප්‍ර. පැරණි ඉන්දියාවේ භාවිත වූ කාලය පිළිබඳ මිනුමක්.

නාලිකේය

නා.ප්‍ර. පොල්; නෙරළු.

නාලිය

1. නා.ප්‍ර. බුලත්; නාගලතා.
2. නා.ප්‍ර. නා දලුව; නාග පල්ලවය.
3. නා.ප්‍ර. ඇතින්න.
4. නා.ප්‍ර. නාගමාණවිකාව.
5. නා.ප්‍ර. සැපින්න.

නාලොව

නා. නාගලෝකය; පොළොව යට ඇතැයි සැලකෙන නාගභවන; රසාතලය.

නාවර

1. නා.ප්‍ර. අපිරිසිදු ද්‍රව; ඇඟේ ගෑවී ඇති අපද්‍රව්‍ය; ධාරා වශයෙන් වැගිරෙන අපිරිසිදු දියර.
2. නා.ප්‍ර. පොල්, කිතුල් ආදියෙහි පිතිවලින් ගලවා ගනු ලබන පට්ටය.