සංක්ෂිප්ත සිංහල ශබ්දකෝෂය – 927

නියාමක අක්ෂය

(පාරිභා.) නා. (ගණිත.) කේතුවක හැම ලක්‍ෂ්‍යයකම සිට ඇති දුර නොවෙනස් ව නියතයක් ව සිටිනා අයුරු) තනි ලක්ෂ්‍යයක් ගත හැකි සේ පිහිටි රේඛාව (=directrix).

නියාමක රේඛාව

(පාරිභා.) නා. (විවිධ ස්ථානවලට කිසියම් තැනක සිට ඇති දුරත්, ඵ් අතර ඇති කෝණයත් මැනීමට) පාදක කරගන්නා රේඛාව.

නියාමකය

නා. ධාරාවක් හෝ වේගයක් පාලනය කරන උපකරණය; පාලකය.

නියාමකයා

1. නා. මුල් වූ තැනැත්තා; පුරෝගාමියා.
2. නා. ගැල් ආදි රථවාහන මෙහෙයවන්නා; නියමුවා; (නැව්) කප්පිත්තා.

නියාලු

1. වි. නිවට; මෝඩ; බැගෑපත්.
2. වි. දුප්පත්; දිලිඳු.

නියැදිය

(පාරිභා.) නා. ආදර්ශකය; සාම්පලය (=sample).

නියැදුරා

[නිය + ඇදුරු]
නා.ප්‍ර. නීතිය දන්නා තැනැත්තා; නීතිඥයා.

නියුක්ත

වි. යෙදුණු; තත්පර වූ; ව්‍යාවෘත වූ; නියුතු.

නා. අනාරෝපිත අනු පරමාණුක අංශුව; හයිඩ්‍රජන්වල හැර අනික් හැම පරමාණු න්‍යෂ්ටිවලම අඩංගු විද්‍යුත් ආරෝපණ රහිත මූලික සංඝටක අංශුව; ප්‍රොටෝනයට වඩා ස්කන්ධය අතින් ස්වල්පයක් වැඩිය; මූලද්‍රව්‍ය ස්කන්ධය සහ පරමාණුක ක්‍රමාංකය වෙනස් වීමට මෙය හේතුවේ.