අක්ෂර වින්‍යාස ශබ්දකෝෂය – 175
නිවාරණය
නා. දුරු කිරීම; වැළැක්වීම; සංසිඳවීම (පා. සං. නිවාරණ)
නිවාසස්ථානය
නා. වාසය කරන තැන; නවාතැන
නිවේදනය
නා. දැනුම්දීම; දැන්වීම (සං. නිවෙදන)
නිවේශනය
නා. ඇතුළු කිරීම; ප්‍රවිෂ්ට කිරීම (සං. නිවෙශන)
නිවේසනය
නා. නිවාසය; නිවස (පා. සං. නිවෙසන)
නිශ්චය
නා.ප්‍ර. ස්ථිර ලෙස ගන්නා ලද නිගමනය; තීන්දුව (සං. නිශ්චය)
නිශ්චල
වි. සෙලවීමක් නැති; ස්ථාවර (සං. නිශ්චල)
නිශ්චිත
වි. නියමිත; ඒකාන්ත; නො අනුමාන (සං. නිශ්චිත)
නිශ්ශංක
වි. සැකයෙන් තොර; නිසැක (සං. නිඃශඞ්ක පා. නිස්සඞ්ක)
නිශ්ශබ්ද
වි. ශබ්දයක් නැති; නිහඬ; තුෂ්ණීම්භූත (සං. නිඃශබ්ද)
නිශ්ශරණාධ්‍යාශය
නා. නිස්සරණාධ්‍යාසය
නිශ්ශේෂ
වි. ඉතිරියක් නැති/ සකල (සං. නිඃශෙෂ)
නිශ්ශෝකී
වි. ශෝක නොකරන; කනගාටුවක් නැති (සං. නිඃශොක)
නිශ්‍රය
නා.ප්‍ර. ඇසුර; ආශ්‍රය/ ඇසුරු කරන තැන/ හේතුව; නිමිත්ත (සං. නිශ්‍රය)
නිශ්‍රිත
වි. ඇසුරු කළ; ඇතුළත්
නිශ්‍රීක
වි. නිසරු/ සුන්දරත්වයෙන් තොර (සං. නිශ්‍රීක)
නිශා
නා.ප්‍ර. හිරු බැසීම හා උදාව අතර වූ අඳුරු කාලය; රාත්‍රිය (සං. නිශා)
නිශාචර
වි. රාත්‍රී කාලයේ හැසිරෙන (සං. නිශාචර)
නිෂ්කණ්ටක
වි. කටු නැති/ සොර සතුරු උවදුරු නැති (සං. නිෂ්කණ්ටක)
නිෂ්කර්ෂණය
නා. සාරය වෙන් කොට ලබා ගැනීම (සං. නිෂ්කර්ෂණ)
නිෂ්කලංක
වි. නිකැලැල්; නිර්මල/ ආබාධ රහිත/ සන්සුන්/ විවේකී (සං. නිෂ්කලඞ්ක)
නිෂ්ක්‍රමණය
නා. නික්ම යෑම/ විගමනය (සං. නිෂ්ක්‍රමණ)
නිෂ්ක්‍රාන්ත
වි. නික්මුණු; පහව ගිය (සං. නිෂ්ක්‍රාන්ත)
නිෂ්ක්‍රීය
වි. ක්‍රියාකාරී නොවන; ප්‍රතිඵලයක් නොදෙන (සං. නිෂ්ක්‍රීය)
නිෂ්කාරණය
නා. හේතුවක් නොමැති (සං. නිෂ්කාරණ)