අක්ෂර වින්‍යාස ශබ්දකෝෂය – 202
ප්‍රදර්ශනය
නා. විදහා දැක්වීම/ මහජන දර්ශනය සඳහා යමක් ඉදිරිපත් කිරීම/ නිදර්ශනය; ආදර්ශය (සං. ප්‍රදර්ශන)
ප්‍රද්‍යෝත
වි. බබළන නා.ප්‍ර. පහන (සං. ප්‍රද්‍යොත)
ප්‍රදානය
නා. දානය; පරිත්‍යාගය/ ආයෝජනය/ පිරිනැමීම (සං. ප්‍රදාන)
ප්‍රදාහය
නා. ශරීර පටකයන්හි ඇති වන ව්‍යාධිමය තත්ත්වයක්/ දැවිල්ල (සං. ප්‍රදාහ)
ප්‍රදීපස්තම්භය
නා. පහන් කණුව; පහන් ටැඹ
ප්‍රදීපාගාරය
නා. නැව්වලට මඟපෙන්වීම සඳහා වෙරළේ සවි කළ පහන් කණුව
ප්‍රදේශය
නා. භූමිභාගය; පෙදෙස/ පළාත/ දිසාව (සං. ප්‍රදෙශ)
ප්‍රදේශීය
වි. ප්‍රදේශයට අයත් (සං. ප්‍රදේශීන්)
ප්‍රධන්
1. වි. ප්‍රධාන; ශ්‍රේෂ්ඨ; ප්‍රමුඛ (සං. ප්‍රධාන) 2. කෙලෙස් තැවීමේ වීර්යය වඩන (පා. පධාන)
ප්‍රධ්වංසනය
නා. විනාශ කිරීම; සමූල ඝාතනය (සං. ප්‍රධ්වංසන)
ප්‍රධාන
වි. මූලික; ප්‍රමුඛ (සං. ප්‍රධාන)
ප්‍රපංච ප්‍රපඤ්ච
නා.ප්‍ර. ප්‍රමාදය/ ප්‍රමාදයට හේතු වූ කරුණ/ විස්තරය/ විද්‍යමාන දෙය; ලෞකික සම්මුතිය (සං. ප්‍රපඤ්ච)
ප්‍රපාතය
නා. කඳුහෙල්වල බෑවුම; පල්ලම (සං. ප්‍රපාත)
ප්‍රබන්ධය
නා. රචනය/ එකට එකතු වීම (සං. ප්‍රබන්‍ධ)
ප්‍රබල
වි. ඉතා බලවත් (සං. ප්‍රබල)
ප්‍රබුද්ධ
වි. බුද්ධි සම්පන්න/ පිපුණු (සං. ප්‍රබුද්ධ)
ප්‍රබෝධය
නා. විකසිත වීම/ උද්‍යෝගය/ සතුට (සං. ප්‍රබොධ)
ප්‍රබෝධවත්
වි. ප්‍රබෝධයෙන් යුතු
ප්‍රභවය
නා. හට ගැනීම/ ජන්ම ස්ථානය/ මූලාශ්‍රය (සං. ප්‍රභව)
ප්‍රභාතය
නා. අලුයම; පාන්දර (සං. ප්‍රභාත)
ප්‍රභාමණ්ඩලය
නා. රැස් වළල්ල/ ප්‍රභාගෝලය (සං. ප්‍රභාමණ්ඩල)
ප්‍රභාව
නා. දීප්තිය/ රශ්මිය/ ආලෝකය (සං. ප්‍රභා)
ප්‍රභාවය
නා. තේජස; මහිමය; ආනුභාවය (සං. ප්‍රභාව)
ප්‍රභාෂණය
නා. මැනවින් අරුත් පැහැදිලි කිරීම (සං. ප්‍රභාෂණ)