සංක්ෂිප්ත සිංහල ශබ්දකෝෂය – 334
උමං ගබඩාව
(පාරිභා.) නා. පොළොව යට තනන ලද කාමරය හෝ ගබඩා කාමරය.
උමං ගෙය
1. (පාරිභා.) නා. ගොඩනැගිල්ලක පොළොවෙන් යට පිහිටා ඇති තට්ටුව.
2. නා. පොළොව යටින් කැපූ මාර්ගය; උමං මාර්ගය.
උමංකඳුර
නා. උමං දෙකක් අතර වූ කපොල්ල.
උමග
නා. පොළොව යටින් තිරස් ව කැණුණු මාර්ගය; දෝනාව; භූගර්භ මාර්ගය.
උමතු
වි. සිහි විකල් වුණු; වියරු වූ; පිස්සු වැටුණු; මත් වූ.
උමතුව
නා. සිහි විකල්බව; පියවි සිහිය නැතිබව; පිස්සුව; උන්මාදය.
උම්බලකඩ
නා.ප්‍ර. ව්‍යංජන ආදිය රසවත් කිරීම සඳහා තම්බා තදට වේලා පිළියෙල කරගත් මාළු විශේෂයක්.
උම්මාර
නා.ප්‍ර. එළිපත.
උම්මීලනය
නා. ඇස් ඇරීම; ඇස් විවෘත කිරීම.
උම්මුජ්ජනය
නා. (දියෙන්) මතු වීම.
උම්මූලනය
නා. මුලින් ඉදිරීම; මුලින් උපුටා දැමීම.
උමා
නා.ප්‍ර. ඊශ්වර දෙවියන්ගේ භාර්යාව; පාර්වතී.
උමාපති
නා.ප්‍ර. උමාවගේ පුත්‍රයා; ශිව දෙවියා; මහේශ්වරයා.
උමාපුත්
නා.ප්‍ර. උමාව ගේ පුත්‍රයා; කඳ කුමරා.
උමු
1. වි. උඩුකුරු කළ මුහුණ ඇති; උඩට නඟා ගත් මුහුණ ඇති.
2. වි. ඉදිරියෙහි හෙවත් අභිමුඛයෙහි.
3. වි. බලාපොරොත්තු වන; අපේක්ෂාවෙන් සිටින.
උමුවා
නා.ප්‍ර. උඩට නඟා ගත් මුඛ ඇති තැනැත්තා; කටුස්සා.
උයන
නා. මල් ඵල හටගන්නා වෘක්ෂලතාදිය සහිත භූමිය; මල්වත්ත; උද්‍යානය.
උයනවා
ක්‍රි. පිසනවා; තම්බනවා.
උයන් ගොවුවා
නා. උයන රැකබලා ගන්නා තැනැත්තා; උද්‍යාන පාලකයා; උයන්පල්ලා.
උයන් වැවීම
(පාරිභා.) නා. මල්, පලතුරු, එළවළු, අලංකාර ශාක ආදි වගා කටයුතු කරනු ලබන කෘෂිකර්ම අංශය; උද්‍යාන කර්මය (=horticulture).
උය්‍යෝගය
1. නා. නික්මීම.
2. නා. උද්‍යෝගය.
උර
1. නා.ප්‍ර. පපුව; ළපැත්ත; වක්ෂස්ථලය.
2. නා.ප්‍ර. උරහිස; කර; දසරුව.
3. නා.ප්‍ර. හදවත; සිත.
4. නා.ප්‍ර. රන් ආදි ලෝහ පරීක්ෂා කිරීමට ගනු ලබන ගල; උරගල; නාහස්නා පහණ.
5. නා.ප්‍ර. තාප්පය; පවුර; ප්‍රාකාරය.
6. නා.ප්‍ර. වැස්ම; ආවරණය; කොපුව; කොට්ට මෙට්ට ආදියෙහි පිට කවරය.
7. නා.ප්‍ර. බඩ ගා යන සතා; උරගයා.
උර ඇටය
නා. උරයෙහි ඉදිරිපසින් සරස් ව පිහිටි ඇටය; අකුව; අකු ඇටය; අක්ෂකාස්ථිය.
උර කුහරය
නා. පපු කුහරය; මෙහි හෘදය වස්තුව, පෙණහලු ආදිය පිහිටා තිබේ.