සංක්ෂිප්ත සිංහල ශබ්දකෝෂය – 395

කටුවන්

(කථා.) නා.ප්‍ර. සිප්පි කටු පුලුස්සා සාදාගන්නා හුනු; බුලත් විටට ගන්නා හුනු.

කටුවා

1. නා. බලු, ගව ආදි සතුන්ගේ ශරීරයේ සම මතුපිට බෝවෙන කෘමි විශේෂයක්.
2. නා. ඉත්තෑවා.
3. නා. කෙට්ටු ශරීරයක් ඇති තැනැත්තා හෝ සතා; කැහැට්ටා.
4. නා. අනුන්ට කරදර කරන තැනැත්තා; කලහකාරයා; හතුරා.

කටුවෙදකම

නා. ඇතැම් රෝගවල දී ශරීරයේ නියම කොට ඇති තැන් සඳහා ලෝහකටු ගැසීමෙන් ප්‍රතිකාර කරනු ලබන චීන වෛද්‍ය ක්‍රමයක්; කටු චිකිත්සාව.

කටුසර

නා.ප්‍ර. හේන්වල වපුරන වී හැර වෙනත් ධාන්‍ය වර්ග.

කඨල

1. නා.ප්‍ර. මැටි බඳුන් කැබලි; කැබලිති.
2. නා.ප්‍ර. බොරලු.

කඨින චීවරය

නා. වස් පවාරණය කළ සංඝයාට පමණක් පූජා කරන විශේෂ සිවුර.

කඨින ජලය

(පාරිභා.) නා. කැල්සියම් සහ මැග්නීසියම් ලවණ දිය වී ඇති නිසා සබන් පෙණ පහසුවෙන් නොසෑදෙන ජලය (=hard water).

කඨින පින්කම

නා. (විනය.) වස් පවාරණයෙන් පසු චීවර මාසය තුළ කඨින චීවරය පූජා කිරීම නිමිත්තෙන් පැවැත්වෙන පින්කම.

කඨෝර

1. වි. දැඩි; තද.
2. වි. නපුරු; දරුණු; ක්‍රෑර.
3. වි. අප්‍රිය; අමිහිරි.

1. නා.ප්‍ර. කැබැල්ල; කොටස; භාගය; අර්ධය.
2. නා.ප්‍ර. කපොල්ල; කඩුල්ල; දොරටුව.
3. නා.ප්‍ර. පහන් වැටිය.
4. නා.ප්‍ර. වෙළඳ සල; සාප්පුව.
5. නා.ප්‍ර. වංශය; පරම්පරාව.
6. නා.ප්‍ර. ඊය: ශරය.
7. නා.ප්‍ර. කැලෑව; වනය.
වි. කැඩුණු; බිඳුණු; වෙන්වුණු.