සංක්ෂිප්ත සිංහල ශබ්දකෝෂය – 744

තැත

1. නා. වෑයම; උත්සාහය; යත්නය; පරිශ්‍රමය.
2. නා. බලය; ශක්තිය; වේගය; ජවය; නියැලීම; තත්පරතාව.
4. නා. කාර්යය; ව්‍යවසාය; ව්‍යාපාරය.
5. නා. පෙළඹවීම; මෙහෙයවීම; ප්‍රේරණය.

තැතනුම

1. නා. කෙඳිරි ගෑම.
2. නා. මේඝ ගර්ජනාව; වල්සතුන්ගේ ගර්ජනය.
3. නා. රෞද්‍ර බව.

තැත් කරනවා

ක්‍රි. උත්සාහ කරනවා; වෑයම් කරනවා; යත්න දරනවා.

තැත් කවනවා

1. ක්‍රි. හී පහරේ ජවබලය වැඩි කිරීම පිණිස දුනුදිය පොළනවා.
2. ක්‍රි. අරමුණ ඉටුකර ගැනීමට වෑයම් කරනවා.

තැත්තා

(කථා.) නා. ගවයා හෝ වසුපැටියා; කුඩා ළමුන් හරකාට භාවිත කරන සුරතල් නාමයකි.

තැත්වර ලනවා

ක්‍රි. හී පහරේ ජවබලය වැඩි කිරීම පිණිස දුනුදිය පොළනවා.

තැති

1. නා.ප්‍ර. හිටි හැටියේ සිතෙහි පහළ වන බිය; තිගැස්ම; ත්‍රාසය.
2. නා.ප්‍ර. දැපීම; උදාරම් ගතිය; උද්ධතභාවය.

තැති ගන්නවා

1. ක්‍රි. තිගැස්සෙනවා; බිය වෙනවා; ත්‍රස්ත වෙනවා
2. ක්‍රි. දර්පිත වෙනවා; දැඩි වෙනවා; ස්තබ්ධ වෙනවා.

තැදි ගන්නවා

1. ක්‍රි. කම්පා වෙනවා; තිගැස්සෙනවා. බිය වෙනවා; ත්‍රස්ත වෙනවා.
2. ක්‍රි. දැඩි වෙනවා; ස්තබ්ධ වෙනවා.

1. නා. ස්ථානය; භූමිය; භූමිභාගය.
2. නා. අවස්ථාව; අවසරය; අවකාශය.
3. නා. දුර ප්‍රමාණය.
4. නා. පදවිය; ධූරය; තනතුර.
5. නා. කරුණ; තොරතුර.
6. නා. තැනැත්තා; ගෞරව කටයුතු පුද්ගලයා; හිමිනම; භික්ෂුනම.
7. නා. කම්මැලිකම; අලසකම; නිරුත්සාහය; ථීනය.
ක්‍රි.වි. වේලාවෙහි; අවස්ථාවෙහි.

තැනවැටෙනවා

1. (කථා.) ක්‍රි. ශරීරය දුර්වල වෙනවා; සෞඛ්‍ය තත්ත්වය හීනවෙනවා.
2. ක්‍රි. වස්තුව නැති වී යනවා; දුප්පත් වෙනවා.

තැන්තුව

(කථා.) නා. සූදුව සඳහා තබන මුදල; ඔට්ටුව.

තැන්පත්

1. වි. හික්මුණු; සන්සුන්; කලබලකාරි නොවන.
2. වි. සුරැකිව තැබූ; පරිස්සම් සහිතව තබා ඇති.
3. වි. ස්ථිර; ස්ථාවර; තහවුරු වු.

තැන්පත් කරනවා

1. ක්‍රි. සුරක්ෂිතව තබනවා; ආරක්ෂිත ලෙස තබනවා.
2. ක්‍රි. තහවුරු කරනවා; ස්ථිර කරනවා.
3. ක්‍රි. වළලනවා; වළ දමනවා.
4. (පාරිභා.) ක්‍රි. බැංකුවක හෝ එවැනි වෙනත් ස්ථානයක මුදල් ආරක්ෂාවට තබනවා.